ಆಧುನಿಕ ತಂತ್ರಜ್ಞಾನದಲ್ಲಿ ಬೆಂಗಳೂರು ಮತ್ತೊಂದು ಮಹತ್ವದ ಹೆಜ್ಜೆ ಮುಂದಿಟ್ಟಿದೆ. ವಿಪ್ರೋ, ಇಂಡಿಯನ್ ಇನ್ಸ್ಟಿಟ್ಯೂಟ್ ಆಫ್ ಸೈನ್ಸ್ (IISC) ಮತ್ತು ಆರ್ವಿ ಕಾಲೇಜ್ ಆಫ್ ಎಂಜಿನಿಯರಿಂಗ್ನ ಜಂಟಿ ಉಪಕ್ರಮವಾದ ವಿರಿನ್ (VIRIN – ವಿಪ್ರೋ-ಐಐಎಸ್ಸಿ ಸಂಶೋಧನೆ ಮತ್ತು ನಾವೀನ್ಯತೆ ನೆಟ್ವರ್ಕ್) ಎಂಬ ಚಾಲಕರಹಿತ ಕಾರು (Driverless Car) ಪ್ರೋಟೋಟೈಪ್ ಅನ್ನು ಬೆಂಗಳೂರಿನಲ್ಲಿ ಯಶಸ್ವಿಯಾಗಿ ಅನಾವರಣಗೊಳಿಸಲಾಗಿದೆ.
6 ವರ್ಷಗಳ ಪರಿಶ್ರಮ, ಯಶಸ್ವಿ ಪ್ರಯೋಗ
- ಈ ಡ್ರೈವರ್ಲೆಸ್ ಕಾರು ಪ್ರೋಟೋಟೈಪ್ ಅನ್ನು ನಿರ್ಮಿಸಲು ಬರೋಬ್ಬರಿ 6 ವರ್ಷಗಳ ಕಾಲ ಪರಿಶ್ರಮ ಹಾಕಲಾಗಿದೆ ಎಂದು ವರದಿಯಾಗಿದೆ.
- ಬೆಂಗಳೂರಿನ ಆರ್ವಿ ಎಂಜಿನಿಯರಿಂಗ್ ಕಾಲೇಜು ಆವರಣದಲ್ಲಿ ಈ ಚಾಲಕ ರಹಿತ ಕಾರು ಪ್ರಯೋಗಿಕವಾಗಿ ಚಾಲನೆ ಮಾಡಿರುವ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದೆ.
ವಿಡಿಯೋ ವೈರಲ್: ಸ್ವಾಮೀಜಿ ಪ್ರಯಾಣ
ಆದರ್ಶ ಹೆಗಡೆ (@adarshahgd) ಎಂಬ ಸಾಮಾಜಿಕ ಬಳಕೆದಾರರು ತಮ್ಮ X ಖಾತೆಯಲ್ಲಿ ಈ ವಿಡಿಯೋವನ್ನು ಅಪ್ಲೋಡ್ ಮಾಡಿದ್ದಾರೆ. ವೀಡಿಯೊದಲ್ಲಿ, ಉತ್ತರಾದಿಮಠದ ಶ್ರೀ ಶ್ರೀ ಸತ್ಯಾತ್ಮತೀರ್ಥ ಸ್ವಾಮೀಜಿ ಅವರು ಆರ್ವಿ ಕಾಲೇಜಿನಲ್ಲಿ ಈ ಚಾಲಕರಹಿತ ಕಾರಿನಲ್ಲಿ ಪ್ರಯಾಣಿಸುತ್ತಿರುವುದು ಕಂಡುಬಂದಿದೆ. “ವಿಪ್ರೋ ಎಂಜಿನಿಯರಿಂಗ್ನಿಂದ ಧನಸಹಾಯ ಪಡೆದ ಯೋಜನೆ, ವಿಪ್ರೋ, ಐಐಎಸ್ಸಿ ಮತ್ತು ಬೆಂಗಳೂರಿನ ಆರ್ವಿ ಎಂಜಿನಿಯರಿಂಗ್ ಕಾಲೇಜು ಜಂಟಿಯಾಗಿ ಅಭಿವೃದ್ಧಿಪಡಿಸಿದೆ. ಅತ್ಯುತ್ತಮ ತಂತ್ರಜ್ಞಾನ” ಎಂದು ಅವರು ಬರೆದುಕೊಂಡಿದ್ದಾರೆ. ಈ 28 ಸೆಕೆಂಡುಗಳ ವೀಡಿಯೊ ಭಾರೀ ಗಮನ ಸೆಳೆದಿದೆ.
