ವಾಷಿಂಗ್ಟನ್/ಟೆಹ್ರಾನ್ : ಇರಾನ್ ಮತ್ತು ಇಸ್ರೇಲ್ ನಡುವಿನ ಗಡುಸಿನ ಸಂಬಂಧವು ಮತ್ತಷ್ಟು ಕದಡಿಕೊಳ್ಳುತ್ತಿದ್ದ ವೇಳೆ, ಇಸ್ರೇಲ್ ಬುಧವಾರ ಮುಂಜಾನೆ ಇರಾನ್ ರಾಜಧಾನಿ ಟೆಹ್ರಾನ್ ಮೇಲೆ ತೀವ್ರ ವಾಯು ದಾಳಿ ನಡೆಸಿದ್ದು, ತೀವ್ರ ಆತಂಕದ ಪರಿಸ್ಥಿತಿ ನಿರ್ಮಾಣವಾಗಿದೆ. ಅಮೆರಿಕದ ಮಾಜಿ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಟೆಹ್ರಾನ್ ನಿವಾಸಿಗಳಿಗೆ “ನಗರ ತಕ್ಷಣ ಖಾಲಿ ಮಾಡಬೇಕು” ಎಂಬ ಎಚ್ಚರಿಕೆಯನ್ನು ನೀಡಿದ ಕೆಲವೇ ಗಂಟೆಗಳಲ್ಲಿ ಈ ದಾಳಿ ನಡೆದಿರುವುದು ಗಮನ ಸೆಳೆದಿದೆ.
ಟ್ರಂಪ್ ಅವರು, “ಇಸ್ರೇಲ್ ಎದುರು ಯಾವ ಷರತ್ತಿನ ಜಾರಿಯೂ ಇಲ್ಲದೆ ಶರಣಾಗಬೇಕು” ಎಂದು ಹೇಳಿದ್ದರ ಜೊತೆಗೆ, ಇರಾನ್ ತನ್ನ ಪರಮಾಣು ಶಸ್ತ್ರಾಸ್ತ್ರ ಯೋಜನೆ ತಕ್ಷಣ ಸ್ಥಗಿತಗೊಳಿಸಬೇಕೆಂದು ಖಡಕ್ ಎಚ್ಚರಿಕೆ ನೀಡಿದ್ದಾರೆ. ಟೆಹ್ರಾನ್ ನಿವಾಸಿಗಳು ಗುಂಪು ಗುಂಪಾಗಿ ತಮ್ಮ ಮನೆಗಳನ್ನು ತೊರೆದಿದ್ದು, ನಗರದಲ್ಲಿ ಭೀತಿಯ ವಾತಾವರಣವಿದೆ.
ಅಮೆರಿಕದ ಹಿಡಿತಕ್ಕೆ ಇರಾನ್ ಆಕಾಶ ಮಾರ್ಗ?
ಇರಾನ್ ವಾಯು ಪ್ರದೇಶದ ಮೇಲೆ ಈಗ ಅಮೆರಿಕದ ಪರೋಕ್ಷ ನಿಯಂತ್ರಣವಿದೆ ಎಂದು ಟ್ರಂಪ್ ಅವರು ತಿಳಿಸಿದ್ದಾರೆ. “ಇರಾನ್ ಉತ್ತಮ ಶಸ್ತ್ರಾಸ್ತ್ರಗಳನ್ನು ಹೊಂದಿದ್ದರೂ, ಅದು ಅಮೆರಿಕದ ಸಾಮರ್ಥ್ಯದ ಎದುರು ಏನೂ ಅಲ್ಲ,” ಎಂದು ಅವರು ತಿಳಿಸಿದ್ದಾರೆ.
