ಪತ್ನಿಯ ಸೀಮಂತದ ದಿನವೇ ಪತಿ ಕುಸಿದು ಸಾವನ್ನಪ್ಪಿದ ವಿಷಾದನೀಯ ಘಟನೆ

ವಿಟ್ಲ: ವಿಟ್ಲ ಸಮೀಪದ ಮಿತ್ತನಡ್ಕದಲ್ಲಿ ಪತ್ನಿಯ ಸೀಮಂತದ ದಿನವೇ ಪತಿ ಅನಿರೀಕ್ಷಿತವಾಗಿ ನಿಧನರಾಗಿರುವ ದುರ್ಘಟನೆ ಸಂಭವಿಸಿದೆ. ಪಿಕಪ್ ಚಾಲಕರಾದ ಸತೀಶ್ (33) ಸೀಮಂತ ಸಮಾರಂಭದ ವೇಳೆಯೇ ಹಠಾತ್ ಕುಸಿದು ಬಿದ್ದರು. ತಕ್ಷಣ ಆಸ್ಪತ್ರೆಗೆ ಕೊಂಡೊಯ್ಯಲಾದರೂ, ಚಿಕಿತ್ಸೆ ಫಲಕಾರಿಯಾಗದೆ ಮಂಗಳೂರಿನಲ್ಲಿ ಅವರು ಸಾವನ್ನಪ್ಪಿದರು.

ಈ ಘಟನೆ ಪತ್ನಿ ಸೇರಿದಂತೆ ಕುಟುಂಬದ ಎಲ್ಲರಲ್ಲೂ ಆಘಾತ ಮೂಡಿಸಿದ್ದು, ಸೀಮಂತದ ಸಂಭ್ರಮ ಕ್ಷಣದಲ್ಲೇ ಶೋಕದಲ್ಲಿ ಪರಿವರ್ತಿತವಾಗಿದೆ.