ದೆಹಲಿ: ದೇಶದ ಹೆದ್ದಾರಿಗಳಲ್ಲಿ ಪ್ರಯಾಣಿಸುವ ವಾಹನಗಳಿಗೆ ಸಂಬಂಧಿಸಿದಂತೆ ಭಾರತ ಸರ್ಕಾರವು ನವೀನ ಟೋಲ್ ಸಂಗ್ರಹಣಾ ನೀತಿಯನ್ನು ಜಾರಿಗೆ ತರಲು ತೀರ್ಮಾನಿಸಿದ್ದು, ಶೀಘ್ರದಲ್ಲೇ ಈ ನೀತಿಯು ಕೆಲವು ಹೆದ್ದಾರಿಗಳಲ್ಲಿ ಪ್ರಾಯೋಗಿಕವಾಗಿ ಜಾರಿಗೆ ಬರಲಿದೆ. ಈ ಹೊಸ ನೀತಿಯಲ್ಲಿ ಪ್ರಯಾಣದ ದೂರದ ಆಧಾರದಲ್ಲಿ ಟೋಲ್ ಪಾವತಿ ಮಾಡುವ ವ್ಯವಸ್ಥೆ ಇರಲಿದ್ದು, ಇದರಿಂದಾಗಿ ಪ್ರಸ್ತುತ ಇರುವ ಸ್ಥಿರ ಟೋಲ್ ಪದ್ದತಿಗೆ ಪರ್ಯಾಯ ಸಿಗಲಿದೆ.
ನೀತಿಯ ಪ್ರಮುಖ ಅಂಶಗಳು:
🔸 ಕಿಲೋಮೀಟರ್ ಆಧಾರಿತ ಟೋಲ್ ಪಾವತಿ : ಹೊಸ ನೀತಿಯ ಅಡಿಯಲ್ಲಿ ವಾಹನಗಳು ಎಷ್ಟು ದೂರ ಪ್ರಯಾಣಿಸುತ್ತವೆಯೋ ಆ ಅಂತರದ ಆಧಾರದ ಮೇಲೆ ಟೋಲ್ ಶುಲ್ಕ ವಿಧಿಸಲಾಗುವುದು. ಇದರಿಂದಾಗಿ ಸ್ವಲ್ಪ ದೂರ ಪ್ರಯಾಣಿಸುವವರು ಹೆಚ್ಚಿನ ಶುಲ್ಕ ಪಾವತಿಸುವ ಅನ್ಯಾಯ ತಪ್ಪುವುದು.
🔸 ಜಿಪಿಎಸ್ ಆಧಾರಿತ ತಂತ್ರಜ್ಞಾನ: ಈ ಪದ್ದತಿಯ ಅಡಿಯಲ್ಲಿ ವಾಹನಗಳಿಗೆ ಜಿಪಿಎಸ್ ಟ್ರ್ಯಾಕಿಂಗ್ ವ್ಯವಸ್ಥೆಯನ್ನು ಅಳವಡಿಸಲಾಗುವುದು. ಇದು ಜಿಯೋ-ಫೆನ್ಸಿಂಗ್ ಹಾಗೂ ಉಪಗ್ರಹ ಆಧಾರಿತ ನಿರೀಕ್ಷಣೆಯ ಸಹಾಯದಿಂದ ಟೋಲ್ ಸಂಗ್ರಹಣೆಯನ್ನು ಪಾರದರ್ಶಕವಾಗಿ ಮಾಡಲು ನೆರವಾಗುತ್ತದೆ.
🔸 ಟೋಲ್ ಬೂತ್ ಅವಶ್ಯಕತೆ ಕಡಿಮೆ: ಜಿಪಿಎಸ್ ಆಧಾರಿತ ಸಂಗ್ರಹಣೆಯಾದ ಕಾರಣದಿಂದಾಗಿ ಹಳೆಯ ಪದ್ದತಿಯ ಟೋಲ್ ಬೂತ್‌ಗಳ ಅವಶ್ಯಕತೆ ಕಡಿಮೆಯಾಗುವ ಸಾಧ್ಯತೆ ಇದೆ. ಇದು ಟ್ರಾಫಿಕ್ ಜಾಮ್ ತಡೆಗಟ್ಟಲು ಸಹಕಾರಿ ಆಗಲಿದೆ.
🔸 ಪ್ರಾಯೋಗಿಕ ಜಾರಿಗೆ ಸಿದ್ಧತೆ: ಪ್ರಾರಂಭದಲ್ಲಿ ಕೆಲ ಆಯ್ಕೆಯಾದ ರಾಷ್ಟ್ರೀಯ ಹೆದ್ದಾರಿಗಳಲ್ಲಿ ಈ ಹೊಸ ವ್ಯವಸ್ಥೆಯನ್ನು ಪ್ರಾಯೋಗಿಕವಾಗಿ ಜಾರಿಗೆ ತರಲಾಗುವುದು. ಯಶಸ್ವಿಯಾಗಿ ಫಲಿತಾಂಶ ದೊರೆತರೆ ದೇಶದಾದ್ಯಾಂತ ಈ ನೀತಿಯು ಸ್ಥಾಯಿಯಾಗಿ ಜಾರಿಗೆ ಬರಲಿದೆ.
ಇದರಿಂದ ಪ್ರಯಾಣಿಕರಿಗೆ ಲಾಭವೇನು?
ಈ ನವೀನ ಪದ್ದತಿಯು ಪ್ರಯಾಣದ ಪ್ರಮಾಣಕ್ಕೆ ಸರಿಯಾದ ಪಾವತಿಗೆ ಅವಕಾಶ ನೀಡುವುದರ ಜೊತೆಗೆ, ಟ್ರಾಫಿಕ್ ಸಮಸ್ಯೆ ಕಡಿಮೆ ಮಾಡುತ್ತದೆ. ಜೊತೆಗೆ ಟೋಲ್ ಸಂಗ್ರಹಣೆಯ ಪಾರದರ್ಶಕತೆ ಹೆಚ್ಚಿಸಿ, ಅವ್ಯವಹಾರದ ಸಾಧ್ಯತೆಗೂ ಕಡಿವಾಣ ಹಾಕಲಿದೆ.
