ಬೆಂಗಳೂರು: “ಸಹಾಯವಾಣಿ” ಹೆಸರಿನಲ್ಲಿ ಮಹಿಳೆಗೆ ನಕಲಿ ಬ್ಯಾಂಕ್ ಪ್ರತಿನಿಧಿಯ ಹೆಸರಿನಲ್ಲಿ ಕರೆ ಮಾಡಿ, 2 ಲಕ್ಷ ರೂ. ವಂಚಿಸಿದ ಘಟನೆ ಬೆಂಗಳೂರಿನಲ್ಲಿ ನಡೆದಿದೆ. 58 ವರ್ಷದ ಮಹಿಳೆಗೆ, “ನಿಮ್ಮ ಖಾತೆಯಿಂದ 2 ಲಕ್ಷ ರೂ. ಬೇರೆ ಖಾತೆಗೆ ವರ್ಗಾಯಿಸಲಾಗುತ್ತಿದೆ. ಈ ಹಣವನ್ನು ನೀವು ವರ್ಗಾಯಿಸಿದ್ದರೆ, 3 ಅನ್ನು ಒತ್ತಿ; ಇಲ್ಲದಿದ್ದರೆ 1 ಅನ್ನು ಒತ್ತಿ” ಎಂದು ಹೇಳಿದ್ದಾನೆ.
ಗಾಬರಿಗೊಂಡ ಮಹಿಳೆ 1 ಅನ್ನು ಒತ್ತಿದ್ದಾರೆ. ಬಳಿಕ, ವಂಚಕ “ನಿಮ್ಮ ಬ್ಯಾಂಕ್ ಮ್ಯಾನೇಜರ್ ಅವರನ್ನು ಸಂಪರ್ಕಿಸಿ” ಎಂದು ಕರೆ ಕಡಿತ ಗೊಳಿಸಿದ್ದಾನೆ. ಬ್ಯಾಂಕ್ಗೆ ಹೋಗಿ ವಿಚಾರಿಸಿದ ನಂತರ, ಖಾತೆಯಿಂದ 2 ಲಕ್ಷ ರೂ. ಹಣ ಮಾಯವಾಗಿದ್ದನ್ನು ಕಂಡು, ಮಹಿಳೆ 1930 ಸೈಬರ್ ಕ್ರೈಮ್ ಸಹಾಯವಾಣಿಗೆ ದೂರು ನೀಡಿದ್ದಾಳೆ. ಗಿರಿನಗರ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
