ಬೆಂಗಳೂರು: ಪತ್ನಿ ತವರು ಮನೆಗೆ ಹೋಗಿದ್ದರಿಂದ ಖುಷಿಯಾಗಿದ್ದ ಆಟೋ ಚಾಲಕನೊಬ್ಬ, ತನ್ನ ಸಂತಸವನ್ನು ವಿಭಿನ್ನ ರೀತಿಯಲ್ಲಿ ವ್ಯಕ್ತಪಡಿಸಿರುವುದು ಸೋಷಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದೆ.
ಆಟೋ ಚಾಲಕನೊಬ್ಬ ತನ್ನ ವಾಹನದ ಮೇಲೆ “ನನ್ನ ಪತ್ನಿ ತವರು ಮನೆಗೆ ಹೋಗಿದ್ದಾಳೆ, ನಾನು ತುಂಬಾ ಸಂತೋಷವಾಗಿದ್ದೇನೆ!” ಎಂಬ ಬರಹ ಹಾಕಿಕೊಂಡು, ತನ್ನ ಆಟೋದಲ್ಲಿ ಪ್ರಯಾಣಿಸಿದ ಎಲ್ಲರಿಗೂ ಉಚಿತ ಬಿಸ್ಕತ್ ವಿತರಿಸಿದ್ದಾನೆ.
ಈ ಘಟನೆ ನೆಟ್ಟಿಗರ ಗಮನಸೆಳೆದಿದ್ದು, ಹಲವರು ಇದನ್ನು “ಸ್ವಾತಂತ್ರ್ಯ ದಿನಾಚರಣೆ” ಎಂದು ತಮಾಷೆಯಾಗಿ ಕರೆದಿದ್ದಾರೆ. ಕೆಲವರು “ಈ ಸುದ್ದಿ ಅವನ ಪತ್ನಿಗೆ ತಲುಪಿದರೆ, ಆಟೋದಲ್ಲಿಯೇ ಅವನು ಶಾಶ್ವತ ಮಲಗಬೇಕಾಗುತ್ತದೆ!” ಎಂದು ಹಾಸ್ಯಭರಿತವಾಗಿ ಪ್ರತಿಕ್ರಿಯಿಸಿದ್ದಾರೆ.
