ಹಸಿ ಬಟಾಣಿ ಕಾಳುಗಳು, ಕೇವಲ ರುಚಿಯ ಪರಿಗಣನೆಯಲ್ಲದೇ ಆರೋಗ್ಯದ ದೃಷ್ಠಿಯಿಂದಲೂ ಬಹುಮುಖ ಪ್ರಯೋಜನಗಳನ್ನು ನೀಡುವ ಸೂಪರ್ ಫುಡ್ ಎನ್ನಬಹುದು. ಮಕ್ಕಳಿಂದ ವಯೋವೃದ್ಧರ ತನಕ ಎಲ್ಲರಿಗೂ ಇವು ಇಷ್ಟವಾಗುವ ಒಂದು ಮುಖ್ಯ ಕಾರಣ, ಇದರ ಸ್ವಾದ ಮಾತ್ರವಲ್ಲದೆ ಒಳಗೊಂಡಿರುವ ಪೋಷಕಾಂಶಗಳೂ ಹೌದು.
ಜೀರ್ಣಕ್ರಿಯೆ ಸುಧಾರಣೆಗೆ ಸಹಾಯ:
ಹಸಿ ಬಟಾಣಿ ಕಾಳುಗಳಲ್ಲಿ ಪೋಷಕ ನಾರಿನ ಅಂಶ ಹೆಚ್ಚಿದ್ದು, ಆಹಾರ ಸರಿಯಾಗಿ ಜೀರ್ಣವಾಗಲು ನೆರವಾಗುತ್ತದೆ. ಇದು ಮಲಬದ್ಧತೆಯ ಸಮಸ್ಯೆ ಕಡಿಮೆ ಮಾಡುವಲ್ಲಿ ಸಹಕಾರಿಯಾಗುತ್ತದೆ.
ಅನೀಮಿಯಾ ನಿವಾರಣೆಗೆ ಕಬ್ಬಿಣದ ಶಕ್ತಿಕೇಂದ್ರ:
ಈ ಕಾಳುಗಳಲ್ಲಿ ಉತ್ತಮ ಪ್ರಮಾಣದ ಕಬ್ಬಿಣವಿದ್ದು, ರಕ್ತದಲ್ಲಿನ ಹಿಮೋಗ್ಲೋಬಿನ್ ಮಟ್ಟವನ್ನು ಸುಧಾರಿಸುವ ಮೂಲಕ ಆಯಾಸ, ದೌರ್ಬಲ್ಯ ನಿವಾರಣೆಗೆ ಸಹಕಾರಿಯಾಗುತ್ತದೆ.
ರೋಗ ನಿರೋಧಕ ಶಕ್ತಿಗೆ ಉತ್ತೇಜನ:
ವಿಟಮಿನ್ ಸಿ ಹಾಗೂ ಆಂಟಿ-ಆಕ್ಸಿಡೆಂಟ್ ಅಂಶಗಳಿಂದ ಕೂಡಿರುವ ಹಸಿ ಬಟಾಣಿ, ರೋಗ ನಿರೋಧಕ ಶಕ್ತಿ ಹೆಚ್ಚಿಸಲು ಉಪಯುಕ್ತ. ಇದು ಪೆಪ್ಟಿಕ್ ಅಲ್ಸರ್, ಕ್ಯಾನ್ಸರ್ ಮುಂತಾದ ಅಪಾಯಗಳನ್ನು ತಡೆಯುವಲ್ಲಿ ಸಹಾಯ ಮಾಡುತ್ತದೆ.
ಕಣ್ಣುಗಳಿಗೆ ಕಾವಲುಗಾರ:
ಲ್ಯೂಟೀನ್‌ನಂತಹ ಮಹತ್ವದ ಅಂಶದ ಅಸ್ತಿತ್ವದಿಂದ, ದೃಷ್ಟಿ ಸಮಸ್ಯೆಗಳನ್ನು ತಡೆಯುವಲ್ಲಿ ಹಾಗೂ ಕಣ್ಣಿನ ಆರೋಗ್ಯವನ್ನು ಕಾಪಾಡುವಲ್ಲಿ ಇದು ಶ್ರೇಷ್ಠ.
ಹೃದಯ ಆರೋಗ್ಯದ ರಕ್ಷಕ:
ರಕ್ತದ ಒತ್ತಡ, ಕೊಲೆಸ್ಟ್ರಾಲ್ ನಿಯಂತ್ರಣ, ಹಾಗೂ ಸಕ್ಕರೆಯ ಮಟ್ಟ ಸಮತೋಲನಕ್ಕೆ ಸಹಕಾರಿ ಆಗಿ ಹೃದಯ ಸಂಬಂಧಿತ ಅನಾರೋಗ್ಯದಿಂದ ರಕ್ಷಿಸುತ್ತದೆ.
ತೂಕ ಇಳಿಕೆಗೆ ಸಹಾಯ:
ಕಡಿಮೆ ಕ್ಯಾಲೊರಿ ಮತ್ತು ಕೊಬ್ಬಿನ ಅಂಶದಿಂದ ದೇಹದ ತೂಕ ಇಳಿಕೆಗೆ ನೆರವಾಗುವ ಹಸಿ ಬಟಾಣಿ, ಡಯಟ್ ಪಾಲಕರಿಗೆ ಅತ್ಯುತ್ತಮ ಆಯ್ಕೆ.
ಚರ್ಮದ ಹೊಳಪು ಹೆಚ್ಚಿಸಲು ಪರಿಹಾರ:
ವಿಟಮಿನ್ ಸಿ ಹಾಗೂ ಆಂಟಿ-ಆಕ್ಸಿಡೆಂಟ್‌ಗಳಿಂದ ಚರ್ಮದ ಹೊಳಪು ಹೆಚ್ಚಿಸಿಕೊಳ್ಳಲು, ಜ್ವರ, ಬಿಸಿಲಿನಿಂದ ಗುಳ್ಳೆ ಉಂಟಾಗದಂತೆ ತಡೆಯಲು ಸಹಾಯ ಆಗುತ್ತದೆ.
ಹಸಿ ಬಟಾಣಿ ಕಾಳುಗಳನ್ನು ಪಲ್ಯ, ಸಾಂಬಾರ್, ಸೂಪ್ ಅಥವಾ ಸಲಾಡ್‌ನಲ್ಲಿ ಸೇರಿಸಿ ದಿನನಿತ್ಯ ಸೇವನೆ ಮಾಡಿದರೆ ದೀರ್ಘಕಾಲದ ಆರೋಗ್ಯ ಲಾಭಗಳನ್ನು ಪಡೆಯಬಹುದು.
