ದಿನ ವಿಶೇಷ – ಸೈಬರ್ ಕಿರುಕುಳ ವಿರೋಧ ದಿನ

ಪ್ರತಿ ವರ್ಷದ ಜೂನ್ 17 ರಂದು ವಿಶ್ವದಾದ್ಯಾಂತ ಸೈಬರ್ ಕಿರುಕುಳ ವಿರೋಧ ದಿನವನ್ನು ಆಚರಿಸಲಾಗುತ್ತದೆ. ಈ ದಿನವನ್ನು 2012ರಲ್ಲಿ ಬ್ರಿಟನ್‌ನ The Cybersmile Foundation ಪ್ರಾರಂಭಿಸಿದ್ದು, ಇತ್ತೀಚಿನ ದಶಕದಲ್ಲಿ ಡಿಜಿಟಲ್ ತಂತ್ರಜ್ಞಾನ ಹೆಚ್ಚಾಗಿರುವಾಗ ಆನ್‌ಲೈನ್ ಕಿರುಕುಳದ ವಿರುದ್ಧ ಜಾಗೃತಿ ಮೂಡಿಸುವ ಉದ್ದೇಶವಿದೆ.

ಸೈಬರ್ ಕಿರುಕುಳ ಎಂದರೆ ಏನು?

ಸಾಮಾಜಿಕ ಜಾಲತಾಣಗಳು, ಮೆಸೇಜಿಂಗ್ ಆ್ಯಪ್‌ಗಳು ಅಥವಾ ಇಮೇಲ್‌ಗಳ ಮೂಲಕ ಯಾರಾದರೊಬ್ಬರನ್ನು:

ಅವಮಾನಿಸುವುದು
ಧಮ್ಕಿ ನೀಡುವುದು
ಮಾನಸಿಕ ಒತ್ತಡಕ್ಕೆ ಒಳಪಡಿಸುವುದು
ನಿಂದಿಸುವುದು

ಇವೆಲ್ಲವೂ ಸೈಬರ್ ಕಿರುಕುಳವೆಂದು ಪರಿಗಣಿಸಲಾಗುತ್ತದೆ.

ಜೂನ್ 17 ರಂದು ಯಾಕೆ ?

ಈ ದಿನವನ್ನು The Cybersmile Foundation ಆರಂಭಿಸಿದ್ದು, ಜಗತ್ತಿನಾದ್ಯಂತ ಡಿಜಿಟಲ್ ಜಗತ್ತಿನಲ್ಲಿ ಸ್ನೇಹಪರ ಮತ್ತು ಸುರಕ್ಷಿತ ವಾತಾವರಣವನ್ನು ನಿರ್ಮಿಸುವ ಉದ್ದೇಶವಿದೆ.
ಜನರಲ್ಲಿ ಜಾಗೃತಿ ಮೂಡಿಸಿ, ಆನ್‌ಲೈನ್ ದೌರ್ಜನ್ಯ ತಡೆಗಟ್ಟುವುದು ಇದರ ಮುಖ್ಯ ಗುರಿಯಾಗಿದೆ.