ಮೂಲಂಗಿ ತಿನ್ನುವುದು ಆರೋಗ್ಯಕ್ಕೆ ಒಳ್ಳೆಯದೇ? ಇದರ ಗುಟ್ಟು ಗೊತ್ತಾ?

ಹಸಿರು ತರಕಾರಿಗಳು ಆರೋಗ್ಯಕ್ಕೆ ಒಳ್ಳೆಯವು ಎಂಬುದು ಎಲ್ಲರಿಗೂ ತಿಳಿದಿದೆ. ಆದರೆ, ಮೂಲಂಗಿ (Radish) ನಮ್ಮ ದೇಹಕ್ಕೆ ಎಷ್ಟು ಉಪಯುಕ್ತ ಎಂದು ತಿಳಿದರೆ ನೀವು ಆಶ್ಚರ್ಯಪಡುವಿರಿ! ಹಸಿಯಾಗಿ, ಸಲಾಡ್‌ನಲ್ಲಿ ಅಥವಾ ರಸವಾಗಿ ಸೇವಿಸಿದರೂ ಮೂಲಂಗಿಯು ಅನೇಕ ಆರೋಗ್ಯ ಪ್ರಯೋಜನಗಳನ್ನು ನೀಡುತ್ತದೆ. ಇದರ ಗುಣಗಳ ಬಗ್ಗೆ ವಿವರವಾಗಿ ತಿಳಿಯೋಣ.

1. ರಕ್ತ ಸಂಚಾರವನ್ನು ಸುಧಾರಿಸುತ್ತದೆ

ಮೂಲಂಗಿಯು ಕೆಂಪು ರಕ್ತ ಕಣಗಳನ್ನು ಸಂರಕ್ಷಿಸುತ್ತದೆ ಮತ್ತು ದೇಹದ ಎಲ್ಲ ಭಾಗಗಳಿಗೆ ಸಾಕಷ್ಟು ಆಮ್ಲಜನಕ ಸರಬರಾಜು ಆಗುವಂತೆ ಮಾಡುತ್ತದೆ. ಇದು ರಕ್ತಹೀನತೆ (Anemia) ತಡೆಗಟ್ಟಲು ಸಹಾಯಕ.

2. ಜೀರ್ಣಶಕ್ತಿಯನ್ನು ಹೆಚ್ಚಿಸುತ್ತದೆ

ಮೂಲಂಗಿಯಲ್ಲಿ ಫೈಬರ್ (ನಾರು) ಹೆಚ್ಚಿನ ಪ್ರಮಾಣದಲ್ಲಿದೆ. ಇದು ಜೀರ್ಣಕ್ರಿಯೆಯನ್ನು ಸುಗಮಗೊಳಿಸುತ್ತದೆ, ಕಬ್ಬಿಣದ ಶೋಷಣೆಗೆ ಸಹಾಯ ಮಾಡುತ್ತದೆ ಮತ್ತು ಪಿತ್ತರಸ ಉತ್ಪಾದನೆಯನ್ನು ಸಮತೂಗಿಸುತ್ತದೆ.

3. ರಕ್ತದೊತ್ತಡವನ್ನು ನಿಯಂತ್ರಿಸುತ್ತದೆ

ಮೂಲಂಗಿಯು ಪೊಟ್ಯಾಸಿಯಂನ ಉತ್ತಮ ಮೂಲವಾಗಿದೆ. ಇದು ರಕ್ತದೊತ್ತಡವನ್ನು ಕಡಿಮೆ ಮಾಡಿ, ಹೃದಯ ಆರೋಗ್ಯವನ್ನು ಕಾಪಾಡುತ್ತದೆ.

4. ಹೃದಯಕ್ಕೆ ಸ್ನೇಹಿತ

ಇದರಲ್ಲಿರುವ ಆಂಥೋಸಯಾನಿನ್ಸ್ ಮತ್ತು ವಿಟಮಿನ್ ಸಿ ಹೃದಯರಕ್ತನಾಳಗಳನ್ನು ಬಲಪಡಿಸಿ, ಹೃದಯಾಘಾತದ ಅಪಾಯವನ್ನು ಕಡಿಮೆ ಮಾಡುತ್ತದೆ.

5. ತ್ವಚೆ ಮತ್ತು ಕೂದಲಿಗೆ ಒಳ್ಳೆಯದು

ಮೂಲಂಗಿಯ ರಸವನ್ನು ನಿಯಮಿತವಾಗಿ ಸೇವಿಸಿದರೆ, ಅದರಲ್ಲಿರುವ ವಿಟಮಿನ್ ಸಿ, ಸತು ಮತ್ತು ಫಾಸ್ಫರಸ್ ತ್ವಚೆಯನ್ನು ಹೊಳಪಾಗಿಸುತ್ತದೆ. ಮೂಲಂಗಿ ಪೇಸ್ಟ್ ಅನ್ನು ಮುಖಕ್ಕೆ ಹಚ್ಚಿದರೆ ಮೊಡವೆ, ಒಣತ್ವಚೆ ಮತ್ತು ಕಲೆಗಳು ಕಡಿಮೆಯಾಗುತ್ತವೆ. ಕೂದಲಿಗೆ ಬಳಸಿದರೆ, ತಲೆಹುರುಪೆ ಮತ್ತು ಕೂದಲು ಉದುರುವಿಕೆ ತಗ್ಗುತ್ತದೆ.

6. ಪೋಷಕಾಂಶಗಳ ಭಂಡಾರ

ಮೂಲಂಗಿಯಲ್ಲಿ ವಿಟಮಿನ್ ಎ, ಸಿ, ಬಿ6, ಕೆ, ಕ್ಯಾಲ್ಸಿಯಂ, ಕಬ್ಬಿಣ, ಮೆಗ್ನೀಸಿಯಂ, ಪೊಟ್ಯಾಸಿಯಂ ಹಾಗೂ ಆಂಟಿ-ಆಕ್ಸಿಡೆಂಟ್ಸ್ ಹೇರಳವಾಗಿವೆ. ಇದು ರೋಗನಿರೋಧಕ ಶಕ್ತಿಯನ್ನು ಹೆಚ್ಚಿಸುತ್ತದೆ.