ಗಾಯಗಳ ಗುಣಮುಖತೆಯಲ್ಲಿ ಕ್ರಾಂತಿಕಾರಿ ಆವಿಷ್ಕಾರವೆನಿಸಿದ ಹೊಸ ಹೈಡೋಜೆಲ್ ಅನ್ನು ವಿಜ್ಞಾನಿಗಳು ಅಭಿವೃದ್ಧಿಪಡಿಸಿದ್ದಾರೆ. ಆತ್ಮ ವಿಶ್ವವಿದ್ಯಾಲಯ ಮತ್ತು ಬೇರೂತ್ ವಿಶ್ವವಿದ್ಯಾಲಯದ ಸಂಶೋಧಕರು ಮಾನವ ಚರ್ಮದ ಗುಣಗಳನ್ನು ಅನುಕರಿಸುವ ಈ ಸ್ವಯಂ-ಗುಣಪಡಿಸುವ ಹೈಡೋಜೆಲ್ ಅನ್ನು ಸಿದ್ಧಪಡಿಸಿದ್ದಾರೆ.
ಈ ವಿಶೇಷ ಜೆಲ್ ಕೇವಲ ನಾಲ್ಕು ಗಂಟೆಗಳಲ್ಲಿ 90% ಗಾಯಗಳನ್ನು ವಾಸಿ ಮಾಡಬಹುದು ಹಾಗೂ 24 ಗಂಟೆಗಳಲ್ಲಿ ಸಂಪೂರ್ಣ ಗುಣಮುಖ ಮಾಡುವುದು ಇದರ ವೈಶಿಷ್ಟ್ಯವಾಗಿದೆ. ಗಾಯದ ಆರೈಕೆ, ಪುನರುತ್ಪಾದಕ ಔಷಧ ಮತ್ತು ಕೃತಕ ಚರ್ಮದ ತಂತ್ರಜ್ಞಾನಕ್ಕೆ ಇದು ಹೊಸ ಸಮಾಧಾನ ನೀಡಲಿದೆ ಎಂದು ತಜ್ಞರು ತಿಳಿಸಿದ್ದಾರೆ.
ಈ ಸಂಶೋಧನೆಯ ವಿವರಗಳು ಮಾರ್ಚ್ 7ರಂದು ಪ್ರತಿಷ್ಠಿತ ‘ನೇಚರ್ ಮೆಟೀರಿಯಲ್ಸ್’ ಜರ್ನಲ್ನಲ್ಲಿ ಪ್ರಕಟವಾಗಿದೆ. ಈ ಜೆಲ್ನಲ್ಲಿ ನ್ಯಾನೋಶೀಟ್ಗಳ ನಡುವೆ ದಟ್ಟವಾಗಿ ಸಿಕ್ಕಿಹಾಕಿಕೊಂಡ ಪಾಲಿಮರ್ಗಳ ಬಳಕೆಯಿಂದ ಮೃದು ಮತ್ತು ಮೆತ್ತಗೆ ಇರುವ ಹೈಡೋಜೆಲ್ ಹೆಚ್ಚು ಸಂಘಟಿತ ರಚನೆಯನ್ನು ರೂಪಿಸುತ್ತದೆ.
ಈ ನವೀನ ಹೈಡೋಜೆಲ್ ಸುಟ್ಟ ಗಾಯಗಳು, ಶಸ್ತ್ರಚಿಕಿತ್ಸಾ ಬಳಿಕದ ಗಾಯಗಳು ಹಾಗೂ ದೀರ್ಘಕಾಲದ ಗಾಯಗಳಿಂದ ಬಳಲುವವರ ಚೇತರಿಕೆಗೆ ಹೊಸ ಆಶಾಕಿರಣವಾಗಿದೆ ಎಂದು ಹೇಳಲಾಗಿದೆ.
