ನಮ್ಮ ಅಡುಗೆಮನೆಯಲ್ಲೇ ಇರುವ ಸಾಮಾನ್ಯ ಧಾನ್ಯವಾದ ಹುರುಳಿಕಾಳು ದೇಹಕ್ಕೆ ಪೋಷಣೆಯ ಒಳ್ಳೆಯ ಬಂಡವಾಳವನ್ನು ಒದಗಿಸುವ ಆಹಾರವಾಗಿದೆ. ಆಯುರ್ವೇದ ಶಾಸ್ತ್ರದಲ್ಲಿಯೂ ಹುರುಳಿಕಾಳಿನ ಮಹತ್ವವನ್ನು ವಿಶದವಾಗಿ ವಿವರಿಸಲಾಗಿದೆ. ಆದರೆ ಇದರ ಪ್ರಯೋಜನಗಳ ಜೊತೆಗೆ ಕೆಲವರೆಗೂ ಇದು ವಿಪರೀತ ಪರಿಣಾಮ ನೀಡಬಹುದೆಂಬ ಎಚ್ಚರಿಕೆಯನ್ನು ವೈದ್ಯಕೀಯ ವಲಯದಲ್ಲಿ ನೀಡಲಾಗುತ್ತಿದೆ.
ಹುರುಳಿಕಾಳಿನ ಆರೋಗ್ಯ ಲಾಭಗಳು:
- ಪ್ರೋಟೀನ್‌ನ ಭಂಡಾರ: ಹುರುಳಿಕಾಳು ಪ್ರೋಟೀನ್ ಮತ್ತು ಪೋಷಕಾಂಶಗಳಲ್ಲಿ ತುಂಬಿರುತ್ತದೆ. ದೇಹ ದುರ್ಬಲವಾಗಿರುವವರು, ಶಕ್ತಿಹೀನತೆಯಿಂದ ಬಳಲುವವರು ಇದನ್ನು ನಿಯಮಿತವಾಗಿ ಸೇವಿಸಿದರೆ ಶಕ್ತಿ ಪುನಃ ಸಿಗುತ್ತದೆ.
- ಕಿಡ್ನಿ ಕಲ್ಲಿಗೆ ಪರಿಹಾರ: ಆಯುರ್ವೇದದಲ್ಲಿ ಇದನ್ನು ಅಸ್ಮರಿ ಛೇದಕ ಎಂದೇ ಕರೆಯಲಾಗಿದ್ದು, ಮಲಮೂತ್ರದ ಮಾರ್ಗವನ್ನು ಸ್ವಚ್ಛಗೊಳಿಸಿ ಕಿಡ್ನಿ ಕಲ್ಲನ್ನು ಹೊರಹಾಕುವಲ್ಲಿಯೂ ಸಹಕಾರಿ.
- ಜೀರ್ಣಕ್ರಿಯೆ ಉತ್ತಮಗೊಳಿಸಿ: ವಾತ ನಿಗ್ರಹಿಸಿ ಜೀರ್ಣಕ್ರಿಯೆ ಸುಗಮಗೊಳಿಸುತ್ತದೆ. ಮಲಬದ್ದತೆಯ ಸಮಸ್ಯೆ ಇರುವವರು ಇದರಿಂದ ಲಾಭ ಪಡೆಯಬಹುದು.
- ಕಣ್ಣುಗಳಿಗೆ ಲಾಭ: ದೃಷ್ಠಿ ಶಕ್ತಿಗೆ ಸಹಕಾರಿಯಾಗುತ್ತದೆ. ನುಗ್ಗೆಕಾಯಿ ಸೊಪ್ಪು ಮತ್ತು ವಿಟಮಿನ್ ಎಯುಳ್ಳ ಆಹಾರಗಳ ಜೊತೆ ಸೇವಿಸಿದರೆ ಪರಿಣಾಮ ಇನ್ನೂ ಉತ್ತಮ.
- ಸ್ನಾಯು ಬಲವರ್ಧನೆ: ಗಂಟುಗಳನ್ನು ಬಲಿಷ್ಠಗೊಳಿಸುವ ಶಕ್ತಿ ಇದೆ.
ಯಾರಿಗೆ ಹುರುಳಿಕಾಳು ಸೂಕ್ತವಲ್ಲ?:
- ಹುಳಿತೇಗು ಹಾಗೂ ಹುಣ್ಣು ಸಮಸ್ಯೆ: ಉಷ್ಣತೆಯ ಸ್ವಭಾವ ಇರುವ ಹುರುಳಿಕಾಳು, ದೇಹದಲ್ಲಿ ಉರಿಯೂತ, ಚರ್ಮದ ಸಮಸ್ಯೆ ಇರುವವರಿಗೆ ಸೂಕ್ತವಲ್ಲ.
- ಅತಿರಕ್ತಸ್ರಾವ: ಋತುಚಕ್ರದಲ್ಲಿ ಹೆಚ್ಚು ರಕ್ತಸ್ರಾವವಿರುವ ಮಹಿಳೆಯರು ಈ ಧಾನ್ಯದಿಂದ ದೂರವಿರಬೇಕು.
- ಮೂಲವ್ಯಾಧಿ: ರಕ್ತ ಬರುವ ಪೈಲ್ಸ್ ಇರುವವರು ಇದನ್ನು ಸೇವನೆ ಮಾಡದಿರುವುದೇ ಉತ್ತಮ.
- ಸೀಮಿತ ಸೇವನೆ ಅನಿವಾರ್ಯ: ಬೇಸಿಗೆಯ ಉಷ್ಣತೆಯಲ್ಲಿ ಹೆಚ್ಚು ಸೇವನೆ ಮಾಡಿದರೆ ದೇಹದಲ್ಲಿ ಹೆಚ್ಚು ಉಷ್ಣತೆ ಮೂಡಬಹುದು.
ಹುರುಳಿಕಾಳು ಬಳಕೆಯ ಕೆಲ ಪವರ್‌ಫುಲ್ ಮಾರ್ಗಗಳು:
- ಪಲ್ಯ, ಸಾಂಬಾರಿನಲ್ಲಿ ಸೇರಿಸಿ ಸೇವನೆ
- ಮೊಳಕೆ ಹಾಕಿ ಸಲಾಡ್ ರೂಪದಲ್ಲಿ ಉಪಯೋಗ
- ಸೂಪ್ ರೂಪದಲ್ಲಿ ಆರೈಕೆ
- ರುಚಿಗೆ ಅನುಗುಣವಾಗಿ ಉಪಾಹಾರ
ಆಯುರ್ವೇದವೂ ಶ್ಲಾಘಿಸಿದ ಹುರುಳಿಕಾಳನ್ನು ದಿನ ನಿತ್ಯದ ಆಹಾರದಲ್ಲಿ ಬಳಸಿ ಆರೋಗ್ಯವಂತರಾಗಿರೋಣ …..
