ಶಂಕರ ಜಯಂತಿ ರಾಮಾನುಜ ಜಯಂತಿ
ಭಾರತ ಕಾಲಕಾಲಕ್ಕೆ ಬದಲಾವಣೆಯನ್ನು ಪಡೆದುಕೊಂಡು ಸಾಗುವ ದೇಶ. ಈ ಬದಲಾವಣೆ ತರುವವರನ್ನು ಆಚಾರ್ಯರು ಎಂದು ಗುರುತಿಸುತ್ತದೆ. ಅಂತಹ ಆಚಾರ್ಯರಲ್ಲಿ ಮೊದಲಿಗರಾಗಿ ಶಂಕರರು ಹಾಗೂ ಎರಡನೇಯವರಾಗಿ ರಾಮಾನುಜರು ಗುರುತಿಸಲ್ಪಡುತ್ತಾರೆ. ಇಬ್ಬರ ಜಯಂತಿಯೂ ಕೂಡ ಇವತ್ತೇಯಾಗಿದೆ. ಭಾರತವನ್ನು ಹಾಗೂ ಸನಾತನ ಧರ್ಮವನ್ನು ಮೊತ್ತ ಮೊದಲು ಪರಕೀಯರಿಂದ ರಕ್ಷಿಸಿದವರು ಶಂಕರಾಚಾರ್ಯರು. ಅಷ್ಟೇ ಅಲ್ಲದೆ ಭಾರತದ ಉದ್ದಗಲಕ್ಕೂ ಸಂಚರಿಸಿ ಹಲವಾರು ತೀರ್ಥಕ್ಷೇತ್ರಗಳನ್ನು ಪುನರುಜ್ಜೀವನಗೊಳಿಸಿದವರು. ಭಾರತಕ್ಕೆ ಅದ್ವೈತ ಎನ್ನುವ ಹೊಸ ತತ್ವವನ್ನು ತೋರಿಸಿಕೊಟ್ಟರು. ಸನಾತನ ಧರ್ಮದ ಎಲ್ಲಾ ದೇವತೆಗಳಿಗೂ ಪ್ರಾಧಾನ್ಯತೆಯನ್ನು ಕೊಟ್ಟು ಆರಾಧನೆಗೆ ಬಹಳ ಮಹತ್ವವನ್ನು ಕೊಟ್ಟರು.
ತನ್ನ 32 ವರ್ಷದ ಅಲ್ಪಾಯುಷ್ಯದಲ್ಲಿಯೇ ಅದ್ಭುತ ಸಾಧನೆ ತೋರಿದವರು.
ಅನಂತರದಲ್ಲಿ ಬಂದ ರಾಮಾನುಜರು ವಿಷ್ಣುವಿನ ಪಾರಮ್ಯವನ್ನು ಹೇಳುವುದರೊಂದಿಗೆ ಹಲವಾರು ವೈಷ್ಣವ ಕ್ಷೇತ್ರಗಳನ್ನು ಪುನರುಜ್ಜೀವನಗೊಳಿಸಿದರು. ದೇಶದಲ್ಲಿ ಇವತ್ತು ಕಾಣುವ ಜಾತೀಯತೆಯ ವಿರುದ್ಧದ ಯಾವ ಹೋರಾಟವಿದೆಯೋ ಅದನ್ನು ಆ ಕಾಲದಲ್ಲಿ ಮಾಡಿದವರು ರಾಮಾನುಜರು. ಸುಮಾರು 120 ವರ್ಷಗಳ ಸುದೀರ್ಘ ಜೀವನವನ್ನು ನಡೆಸಿ ಇವತ್ತಿಗೂ ದೇಹ ರೂಪದಲ್ಲಿ ಶ್ರೀರಂಗದಲ್ಲಿದ್ದಾರೆ ಎಂದುವ ನಂಬಿಕೆ ಇದೆ. ಈ ದೇಶದ ವಿಶಿಷ್ಟತೆ ಇದೇಯಾಗಿದೆ. ಯಾವ ಕಾಲಕ್ಕೆ ಧರ್ಮಚ್ಯುತಿಯಾಗುವ ಸಂದರ್ಭ ಬರುತ್ತದೆಯೋ ಆವಾಗಲೆಲ್ಲ ಆಚಾರ್ಯರು ಹುಟ್ಟಿ ಬರುತ್ತಾರೆ. ಈಗವು ಕೂಡ ಹಿಂದೂ ಎಂದರೆ ಸಾಯುವ ಸಂದರ್ಭದಲ್ಲಿದ್ದೇವೆ. ದಿವ್ಯ ಶಕ್ತಿಗಳು ಆಚಾರ್ಯ ರೂಪದಲ್ಲಿ ಹುಟ್ಟಿ ಬರಬೇಕು ಎನ್ನುವ ಪ್ರಾರ್ಥನೆ ಮಾಡೋಣ.
ಬರಹ: ಸಂತೋಷ್ ಕುಮಾರ್ ಭಟ್, ಮುದ್ರಾಡಿ
