ಯುಗಾದಿ ಹಬ್ಬದ ನಂತರ ದೇಶದಾದ್ಯಂತ ಮಾವಿನ ಸೀಸನ್ ಶುರುವಾಗಿದೆ. ತಳ್ಳು ಗಾಡಿಗಳಿಂದ ಹಿಡಿದು ಮಾರುಕಟ್ಟೆಗಳವರೆಗೆ ಮಾವಿನ ಹಣ್ಣುಗಳ ವ್ಯಾಪಾರ ಭರದಿಂದ ಸಾಗುತ್ತಿದೆ. ಆದರೆ ಮಾವು ತಿನ್ನುವ ಆಸೆ ಇರುವ ಮಧುಮೇಹಿಗಳಿಗೆ ಈ ಹಣ್ಣು ತಕ್ಕುದೇ ಎಂಬ ಪ್ರಶ್ನೆ ಎಲ್ಲರಲ್ಲಿಯೂ ಕಂಡುಬರುತ್ತದೆ.
ಆರೋಗ್ಯ ತಜ್ಞರ ಪ್ರಕಾರ, ಮಧುಮೇಹಿಗಳು ಕೂಡ ಮಾವಿನ ಹಣ್ಣುಗಳನ್ನು ಮಿತವಾಗಿ ಸೇವಿಸಿದರೆ ಯಾವುದೇ ತೊಂದರೆ ಇಲ್ಲ. ಮಾವಿನ ಹಣ್ಣುಗಳಲ್ಲಿ ವಿಟಮಿನ್ ಎ ಪ್ರಮಾಣ ಹೆಚ್ಚು ಇದ್ದು, ಕಣ್ಣಿನ ದೃಷ್ಟಿ ಶಕ್ತಿಯನ್ನು ಬಲಪಡಿಸಲು ಸಹಾಯಕವಾಗಿದೆ. ವಿಶೇಷವಾಗಿ ಕಣ್ಣು ಒಣಗುವುದು, ರಾತ್ರಿ ಕುರುಡುತನ ಮುಂತಾದ ಸಮಸ್ಯೆಗಳಿಂದ ಮುಕ್ತಿಯಾಗಲು ಮಾವು ಉತ್ತಮ ಆಹಾರವಾಗಿದೆ.
ಅಷ್ಟೇ ಅಲ್ಲದೆ, ಹದಿಹರೆಯದ ವಯಸ್ಸಿನಲ್ಲಿ ಹೆಚ್ಚಾಗಿ ಕಾಣಿಸಿಕೊಳ್ಳುವ ಮೊಡವೆ ಸಮಸ್ಯೆ ನಿವಾರಣೆಗೆ ಹಸಿ ಮಾವಿನಕಾಯಿ ಉತ್ತಮ ಆಯ್ಕೆ. ರಾಸಾಯನಿಕ ಕ್ರೀಮ್‌ಗಳ ಬಳಕೆಯ ಬದಲು ನೈಸರ್ಗಿಕ ಮಾವು ಬಳಸಿ ಚರ್ಮದ ಆರೋಗ್ಯ ಕಾಪಾಡಬಹುದು.
ಇದೀಗ ಮಾರುಕಟ್ಟೆಯಲ್ಲಿ ಹಲವು ಬಗೆಯ ಮಾವಿನ ಹಣ್ಣುಗಳು ಲಭ್ಯವಿದ್ದು, ಜನತೆ ತಂಪು ತಣಿವಿನೊಂದಿಗೆ ರುಚಿಕರ ಮಾವಿನ ಸವಿಯನ್ನು ಆಸ್ವಾದಿಸುತ್ತಿದ್ದಾರೆ.
