ಧರ್ಮಸ್ಥಳ: ಪ್ರಸಿದ್ಧ ಧಾರ್ಮಿಕ ತೀರ್ಥಸ್ಥಳ ಶ್ರೀ ಕ್ಷೇತ್ರ ಧರ್ಮಸ್ಥಳದಲ್ಲಿ ದೇವರ ದರ್ಶನವನ್ನು ಇನ್ನಷ್ಟು ಸುಲಭಗೊಳಿಸಲಾಗಿದೆ. ಭಕ್ತರ ಆರಾಮದಾಯಕ ದರ್ಶನಕ್ಕಾಗಿ ನಿರ್ಮಿಸಿರುವ ಶ್ರೀ ಸಾನಿಧ್ಯ ಸಂಕೀರ್ಣವನ್ನು ಇಂದು ಮಧ್ಯಾಹ್ನ 2 ಗಂಟೆಗೆ ಉಪರಾಷ್ಟ್ರಪತಿ ಜಗದೀಪ್ ಧನ್‌ಕರ್‌ ಉದ್ಘಾಟಿಸಲಿದ್ದಾರೆ. ಕಾರ್ಯಕ್ರಮದಲ್ಲಿ ಜಿಲ್ಲಾ ಉಸ್ತುವಾರಿ ಸಚಿವ ದಿನೇಶ್ ಗುಂಡೂರಾವ್ ಸೇರಿದಂತೆ ಹಲವು ಗಣ್ಯರು ಭಾಗವಹಿಸಲಿದ್ದಾರೆ.
ಶ್ರೀ ಸಾನಿಧ್ಯ ಸಂಕೀರ್ಣದ ವೈಶಿಷ್ಟ್ಯಗಳು:
- 2,75,177 ಚದರ ಅಡಿ ವಿಸ್ತೀರ್ಣದಲ್ಲಿ ನಿರ್ಮಿಸಲಾದ ಈ ಸಂಕೀರ್ಣವನ್ನು ತಿರುಪತಿ ಮಾದರಿಯಲ್ಲಿ ವಿನ್ಯಾಸಗೊಳಿಸಲಾಗಿದೆ.
- ಒಟ್ಟು 16 ವಿಶಾಲವಾದ ಸಭಾಂಗಣಗಳಿವೆ, ಪ್ರತಿಯೊಂದು ಸಂಕೀರ್ಣದಲ್ಲಿ 600 ಜನರಿಗೆ ಅನುಕೂಲವಾಗುವ ಆಸನ ಸಾಮರ್ಥ್ಯ ಹೊಂದಿದೆ.
- ಭಕ್ತರಿಗೆ ಹವಾನಿಯಂತ್ರಿತ ಕೊಠಡಿಗಳು, ಕುಡಿಯುವ ನೀರು, ಶೌಚಾಲಯಗಳು, ಮಕ್ಕಳ ಆರೈಕೆ ಕೊಠಡಿ ಮತ್ತು ಕ್ಯಾಂಟೀನ್ ಸೇವೆ ಇರುತ್ತದೆ.
- ಡಿಜಿಟಲ್ ಸೂಚನಾ ಫಲಕಗಳು,ದರ್ಶನದ ಅವಧಿ, ಸಭಾಂಗಣದ ಮಾಹಿತಿ ಮತ್ತು ದೇವಾಲಯದ ಇತಿಹಾಸವನ್ನು ತೋರಿಸುತ್ತವೆ.
- ಭಕ್ತರ ಸಂಖ್ಯೆಯನ್ನು ನಿರ್ವಹಿಸಲು AI ಆಧಾರಿತ ಕ್ಯಾಮರಾ ವ್ಯವಸ್ಥೆ.
- ಸ್ಟೇನ್ಲೆಸ್ ಸ್ಟೀಲ್ ಕುರ್ಚಿಗಳು, ವಿಶೇಷ ಆಸನ ವ್ಯವಸ್ಥೆ ಮಾಡಲಾಗಿದೆ.
ಮೆಲುಕು:
6-7 ಗಂಟೆಗಳ ಕಾಲ ಸರದಿಯಲ್ಲಿ ಕಾಯುವ ತೊಂದರೆಯನ್ನು ಕೊನೆಗೊಳಿಸಲು ಈ ಸಂಕೀರ್ಣವನ್ನು ನಿರ್ಮಿಸಲಾಗಿದೆ. ಭಕ್ತರು ನಿಗದಿತ ಸಮಯಕ್ಕೆ ಕುಳಿತು ಒಂದು ಗಂಟೆಯೊಳಗೆ ಆರಾಮವಾಗಿ ದೇವರ ದರ್ಶನ ಪಡೆಯಬಹುದು.
ಈ ಹೊಸ ವ್ಯವಸ್ಥೆಯು ದೇವರ ದರ್ಶನವನ್ನು ವೇಗವಾಗಿ ಮತ್ತು ಹೆಚ್ಚು ಅನುಕೂಲಕರವಾಗಿ ಮಾಡುವಲ್ಲಿ ಮಹತ್ವದ ಹೆಜ್ಜೆಯಾಗಿದೆ.
