ನಿಮ್ಮ ಮನೆಯ ಗ್ಯಾಸ್ ಬರ್ನರ್ ಸರಿಯಾಗಿ ಉರಿಯುತ್ತಿಲ್ಲವೇ? ಹಾಗಾದರೆ ಗಾಬರಿಪಡುವ ಅಗತ್ಯವಿಲ್ಲ, ಏಕೆಂದರೆ ಕೆಲವು ಸರಳ ಮನೆಮದ್ದುಗಳಿಂದಲೇ ಈ ಸಮಸ್ಯೆಯನ್ನು ಸುಲಭವಾಗಿ ಪರಿಹರಿಸಬಹುದು. ಬರ್ನರ್ಗೆ ಕೊಳಕು ಸೇರಿಕೊಂಡಾಗ, ಗ್ಯಾಸ್ ಪೈಪ್ಲೈನ್ನಲ್ಲಿ ಸಮಸ್ಯೆ ಉಂಟಾದಾಗ ಅಥವಾ ರೆಗ್ಯುಲೇಟರ್ನಲ್ಲಿ ದೋಷ ಕಂಡುಬಂದಾಗ ಈ ರೀತಿಯ ಸಮಸ್ಯೆಗಳು ಸಾಮಾನ್ಯ. ಆದರೆ, ಈ ಕೆಳಗಿನ ವಿಧಾನಗಳನ್ನು ಅನುಸರಿಸಿ ನಿಮ್ಮ ಬರ್ನರ್ ಅನ್ನು ಸರಿಪಡಿಸಬಹುದು.
ಪರಿಹಾರಗಳು:
- ಅಡುಗೆ ಸೋಡಾ ಮತ್ತು ವಿನೆಗರ್ ಬಳಸಿ: ಒಂದು ಪಾತ್ರೆಯಲ್ಲಿ ಅಡುಗೆ ಸೋಡಾ ಮತ್ತು ವಿನೆಗರ್ ಮಿಶ್ರಣವನ್ನು ತಯಾರಿಸಿ. ನಂತರ ಗ್ಯಾಸ್ ಬರ್ನರ್ ಅನ್ನು ಈ ದ್ರಾವಣದಲ್ಲಿ ಸುಮಾರು 15-20 ನಿಮಿಷಗಳ ಕಾಲ ನೆನೆಸಿಡಿ. ಕೊಳೆ ಸಡಿಲಗೊಂಡ ನಂತರ ಬ್ರಶ್ ಬಳಸಿ ಉಜ್ಜಿ ಸ್ವಚ್ಛಗೊಳಿಸಿ.
- ಬಿಸಿನೀರಿನಲ್ಲಿ ನೆನೆಸಿ: ಬರ್ನರ್ ಅನ್ನು ಉಗುರುಬೆಚ್ಚಗಿನ ನೀರಿನಲ್ಲಿ ತಲೆಕೆಳಗಾಗಿ ಮುಳುಗಿಸಿಡಿ. ಸ್ವಲ್ಪ ಸಮಯದ ನಂತರ ಬರ್ನರ್ನ ಒಳಭಾಗದಲ್ಲಿರುವ ಕೊಳೆಯನ್ನು ಬ್ರಶ್ ಅಥವಾ ತೆಳ್ಳನೆಯ ಕಡ್ಡಿಯಿಂದ ಸ್ವಚ್ಛಗೊಳಿಸಬಹುದು.
- ನಾಣ್ಯಗಳ ಬಳಕೆ: ಗ್ಯಾಸ್ ಬರ್ನರ್ನ ಹೋಲ್ (ರಂಧ್ರ) ಗಳನ್ನು ಸ್ವಚ್ಛಗೊಳಿಸಲು ನಾಣ್ಯಗಳನ್ನು ಬಳಸಬಹುದು. ನಾಣ್ಯಗಳಿಂದ ನಿಧಾನವಾಗಿ ಉಜ್ಜಿದಾಗ ರಂಧ್ರಗಳಲ್ಲಿರುವ ಕೊಳೆ ಹೊರಬರುತ್ತದೆ. ಇದರಿಂದ ಗ್ಯಾಸ್ ಹರಿವು ಸುಗಮವಾಗುತ್ತದೆ.
- ಏರ್ ಮಿಕ್ಸರ್ ಪರಿಶೀಲನೆ: ಬರ್ನರ್ ಅನ್ನು ಸ್ವಚ್ಛಗೊಳಿಸಿದ ನಂತರವೂ ಗ್ಯಾಸ್ ಹರಿವು ಸರಾಗವಾಗಿಲ್ಲದಿದ್ದರೆ, ಏರ್ ಮಿಕ್ಸರ್ನಲ್ಲಿ ಸಮಸ್ಯೆ ಇರಬಹುದು. ಏರ್ ಮಿಕ್ಸರ್, ಗ್ಯಾಸ್ ಮತ್ತು ಗಾಳಿಯ ಸರಿಯಾದ ಮಿಶ್ರಣವನ್ನು ನಿರ್ವಹಿಸುತ್ತದೆ. ಈ ಭಾಗದಲ್ಲಿ ಏನಾದರೂ ಸಮಸ್ಯೆ ಇದ್ದರೆ ಗ್ಯಾಸ್ ಬರ್ನರ್ನ ಉರಿ ಸರಿಯಾಗಿರುವುದಿಲ್ಲ.
