ಮಹಾರಾಷ್ಟ್ರದ ಮುಖ್ಯಮಂತ್ರಿ ದೇವೇಂದ್ರ ಫಡ್ನವೀಸ್ ಅವರು ರಾಜ್ಯದ ಅಧಿಕೃತ ಭಾಷೆಯಾದ ಮರಾಠಿ ಕುರಿತು ಹೊಸ ಹೇಳಿಕೆ ನೀಡಿದ್ದಾರೆ. ರಾಜ್ಯದಲ್ಲಿ ವಾಸಿಸುವ ಎಲ್ಲರೂ ಮರಾಠಿ ಭಾಷೆ ಕಲಿಯಬೇಕು ಎಂದು ಅವರು ಒತ್ತಿಹೇಳಿದ್ದಾರೆ. ವಿಧಾನಸಭೆಯಲ್ಲಿ ನೀಡಿದ ಭಾಷಣದಲ್ಲಿ, ಮರಾಠಿ ಭಾಷೆ ಮಹಾರಾಷ್ಟ್ರದ ಸಂಸ್ಕೃತಿ ಮತ್ತು ಅನನ್ಯತೆಯ ಅವಿಭಾಜ್ಯ ಅಂಗವಾಗಿದೆ ಎಂದು ಹೇಳಿದ್ದಾರೆ.
ಫಡ್ನವೀಸ್ ಅವರು, “ಮರಾಠಿ ಭಾಷೆ ಕಲಿಯುವುದು ಮತ್ತು ಅದಕ್ಕೆ ಗೌರವ ನೀಡುವುದು ರಾಜ್ಯದ ಪ್ರತಿಯೊಬ್ಬ ನಾಗರೀಕರ ಕರ್ತವ್ಯ” ಎಂದು ಭಾಷೆಯ ಪ್ರಾಮುಖ್ಯತೆಯನ್ನು ಎತ್ತಿ ತೋರಿಸಿದ್ದಾರೆ. ಇದು ರಾಜ್ಯದ ಭಾಷಾ ವಿವಾದದ ಹಿನ್ನೆಲೆಯಲ್ಲಿ ಬಂದ ಹೇಳಿಕೆಯಾಗಿದೆ.
ಇತ್ತೀಚೆಗೆ, ಆರ್.ಎಸ್.ಎಸ್. ಹಿರಿಯ ನಾಯಕ ಭಯ್ಯಾಜಿ ಜೋಶಿ ಅವರು “ಪ್ರತಿಯೊಬ್ಬರೂ ಮರಾಠಿ ಭಾಷೆ ತಿಳಿಯುವುದು ಅನಿವಾರ್ಯವಲ್ಲ” ಎಂದು ಹೇಳಿದ್ದು ವಿವಾದಕ್ಕೆ ಕಾರಣವಾಗಿತ್ತು. ಈ ಹೇಳಿಕೆಯ ನಂತರ, ಸಿಎಂ ಫಡ್ನವೀಸ್ ಅವರಿಂದ ಮರಾಠಿ ಭಾಷೆಯ ಅಗತ್ಯತೆ ಕುರಿತು ಸ್ಪಷ್ಟೀಕರಣ ಬಂದಿದೆ.
