ತಲೆನೋವು ಎನ್ನುವುದು ಅತಿಸಾಮಾನ್ಯವಾದ ಸಮಸ್ಯೆ. ನಿದ್ರೆಯ ಕೊರತೆ, ಕೆಲಸದ ಒತ್ತಡ, ದಾಹ, ತಂಪು ಅಥವಾ ಆರೋಗ್ಯ ಸಮಸ್ಯೆಗಳ ಕಾರಣದಿಂದಾಗಿಯೂ ತಲೆ ನೋವು ಕಾಣಿಸಿಕೊಳ್ಳಬಹುದು. ಇಂತಹ ಸಂದರ್ಭಗಳಲ್ಲಿ ಬಹುತೇಕ ಜನರು ತಕ್ಷಣವೇ ಪೈನ್‌ಕಿಲ್ಲರ್‌ಗಳನ್ನು ಸೇವಿಸುತ್ತಾರೆ. ಆದರೆ, ಇವು ಯಾವಾಗಲೂ ಆರೋಗ್ಯಕ್ಕೆ ಅನುಕೂಲಕರವಲ್ಲ. ಇದಕ್ಕಾಗಿ ಮನೆಮದ್ದುಗಳು ಉತ್ತಮ ಪರ್ಯಾಯವಾಗಿದೆ.
🌿 ಮೆಹಂದಿ ಎಲೆಗಳ ಉಪಯೋಗ:
ರಾತ್ರಿ ವೇಳೆ ಮೆಹಂದಿ ಎಲೆಗಳನ್ನು ನೀರಿನಲ್ಲಿ ನೆನೆಸಿ, ಬೆಳಿಗ್ಗೆ ಆ ನೀರನ್ನು ಕುಡಿಯುವುದು ತಲೆನೋವಿಗೆ ತಡೆಯಾಗಿ ಕಾರ್ಯನಿರ್ವಹಿಸುತ್ತದೆ. ಅಲ್ಲದೆ, ಈ ಎಲೆಗಳಿಂದ ಪೇಸ್ಟ್ ತಯಾರಿಸಿ ತಲೆಗೆ ಹಚ್ಚಿದರೆ ತಲೆ ತಂಪಾಗಿ, ನೋವು ತಗ್ಗುತ್ತದೆ.
🌿 ಬೇವಿನ ಎಣ್ಣೆ ಮಸಾಜ್:
ತೆಂಗಿನ ಎಣ್ಣೆಯಲ್ಲಿ ಬೇವಿನ ಎಲೆಗಳನ್ನು ಹಾಕಿ, ಕೆಲ ಗಂಟೆಗಳ ಕಾಲ ಬಿಸಿಲಿಗೆ ಇಡಿ. ಈ ಎಣ್ಣೆಯನ್ನು ತಲೆಗೆ ಹಚ್ಚಿದರೆ ತಲೆನೋವು ಸಡಿಲವಾಗುತ್ತದೆ. ಬೇವಿನ ಎಲೆಗಳಲ್ಲಿ ಶೀತಕಾರಕ ಗುಣವಿದೆ.
🌿 ಅಲೋವೆರಾ ಥೆರಪಿ:
ತಾಜಾ ಅಲೋವೆರಾ ಜೆಲ್‌ನೊಂದಿಗೆ ಎರಡು ಹನಿ ಲವಂಗ ಎಣ್ಣೆ ಹಾಗೂ ಚಿಟಿಕೆ ಅರಿಶಿನವನ್ನು ಮಿಶ್ರ ಮಾಡಿ ಹಣೆಗೆ ಹಚ್ಚುವುದರಿಂದ ತೀವ್ರ ತಲೆನೋವಿಗೆ ತಕ್ಷಣದ ಪರಿಹಾರ ಲಭಿಸುತ್ತದೆ. 20 ನಿಮಿಷ ಈ ಮಿಶ್ರಣವನ್ನು ಹಣೆಯಲ್ಲಿ ಇರಿಸಿ, ಬಳಿಕ ತೊಳೆಯಬಹುದು.
ಮನೆ ಮದ್ದುಗಳು ಪರಿಣಾಮಕಾರಿ ಮತ್ತು ಕಿಂಚಿತ್ ಹೊತ್ತಾಗಬಹುದು. ಆದರೆ, ತಲೆನೋವು ಮುಂದುವರಿದರೆ ವೈದ್ಯರ ಸಲಹೆ ಅತ್ಯಾವಶ್ಯಕ.
