ಉಡುಪಿ/ಕಾರ್ಕಳ: ಗೋಮಾತೆಯ ಗೌರವವನ್ನು ಎತ್ತಿಹಿಡಿಯುವ ಹಾಗೂ ಗೋವಿಗೆ ‘ರಾಷ್ಟ್ರಮಾತೆ’ ಎಂಬ ಅಧಿಕೃತ ಸ್ಥಾನಮಾನ ನೀಡಬೇಕೆಂದು ಒತ್ತಾಯಿಸಿ ಏಪ್ರಿಲ್ 27 ರಂದು ರಾಷ್ಟ್ರಾದ್ಯಂತ ಬೃಹತ್ ಅಭಿಯಾನ ಹಮ್ಮಿಕೊಳ್ಳಲಾಗಿದೆ. ಸಾಧು-ಸಂತರ ನೇತೃತ್ವದಲ್ಲಿ ನಡೆಯಲಿರುವ ಈ ಅಭಿಯಾನಕ್ಕೆ ಉಡುಪಿ ಜಿಲ್ಲೆಯ ಪ್ರಮುಖರಾಗಿ ಶ್ರೀ ಶ್ರೀ ಸಾಯಿ ಈಶ್ವರ್ ಗುರೂಜಿ ಅವರು ಆಯ್ಕೆಯಾಗಿದ್ದಾರೆ.
ಈ ಅಭಿಯಾನವನ್ನು ಯಶಸ್ವಿಗೊಳಿಸಲು ಉಡುಪಿ ಜಿಲ್ಲೆಯ ಏಳು ತಾಲೂಕುಗಳಿಗೆ ಪ್ರಮುಖರು ಹಾಗೂ ಪ್ರಚಾರಕರನ್ನು ನೇಮಕ ಮಾಡಲಾಗಿದ್ದು, ಕಾರ್ಕಳ ತಾಲೂಕಿನ ಜವಾಬ್ದಾರಿಯನ್ನು ಶ್ರೀಮತಿ ರಮಿತಾ ಸೂರ್ಯವಂಶಿ ಅವರಿಗೆ ವಹಿಸಲಾಗಿದೆ.
ತಾಲೂಕು ಮಟ್ಟದ ಪದಾಧಿಕಾರಿಗಳ ವಿವರ:
ಜಿಲ್ಲೆಯ ವಿವಿಧ ತಾಲೂಕುಗಳಲ್ಲಿ ಅಭಿಯಾನದ ನೇತೃತ್ವ ವಹಿಸಲಿರುವ ಪ್ರಮುಖರ ಪಟ್ಟಿ ಈ ಕೆಳಗಿನಂತಿದೆ:
- ಉಡುಪಿ: ಶ್ರೀ ವಿಜಯಕುಮಾರ್ ಕೊಡವೂರು
- ಕಾಪು: ಶ್ರೀಮತಿ ಗೀತಾಂಜಲಿ ಸುವರ್ಣ
- ಕಾರ್ಕಳ: ಶ್ರೀಮತಿ ರಮಿತಾ ಸೂರ್ಯವಂಶಿ
- ಬೈಂದೂರು: ಶ್ರೀ ನಾಗರಾಜ್ ಪೂಜಾರಿ
- ಬ್ರಹ್ಮವಾರ: ಶ್ರೀ ರಾಘವೇಂದ್ರ ಪ್ರಭು ಕರ್ವಾಲು
- ಕುಂದಾಪುರ: ಶ್ರೀ ಗಜೇಂದ್ರ ಬೇಲೆಮನೆ
- ಹೆಬ್ರಿ: ಶ್ರೀ ಸಂದೇಶ್ ಕುಮಾರ್ ಟಿ.ವಿ
ಗೋಮಾತೆಯ ಸಂರಕ್ಷಣೆ ಮತ್ತು ಗೌರವಕ್ಕಾಗಿ ನಡೆಯಲಿರುವ ಈ ಅಭಿಯಾನದಲ್ಲಿ ಸಾರ್ವಜನಿಕರು ಹೆಚ್ಚಿನ ಸಂಖ್ಯೆಯಲ್ಲಿ ಪಾಲ್ಗೊಳ್ಳುವಂತೆ ಮತ್ತು ಗೋಮಾತೆಯನ್ನು ರಾಷ್ಟ್ರಮಾತೆಯನ್ನಾಗಿ ಘೋಷಿಸುವ ಈ ಕೂಗಿಗೆ ಬೆಂಬಲ ನೀಡುವಂತೆ ಶ್ರೀ ಶ್ರೀ ಸಾಯಿ ಈಶ್ವರ್ ಗುರೂಜಿ ಅವರು ತಮ್ಮ ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.
