ಕಾರ್ಕಳದ ಪುಲ್ಕೆರಿಯಲ್ಲಿ ಹಾಳಾದ ರಸ್ತೆಯಿಂದ ಜನರ ಪರದಾಟ, ದುರಸ್ತಿಗೆ ಆಗ್ರಹ

ಕಾರ್ಕಳ : ಕಾರ್ಕಳದ ಪುಲ್ಕೆರಿ ಬೈಪಾಸ್ ಗೆ ಹೋಗುವ ದಾರಿಯಲ್ಲಿರುವ ಶ್ರೀಕೃಷ್ಣ ಅರ್ಕಡ್ ಬಳಿ ಸುಮಾರು ಎರಡು ತಿಂಗಳಿನಿಂದ ರಸ್ತೆಯಲ್ಲಿ ದೊಡ್ಡ ಹೊಂಡ ಬಿದ್ದಿದೆ. ಈ ಹೊಂಡದಿಂದಾಗಿ ಪುರಸಭೆಯ ನೀರು ಪೋಲಾಗುತ್ತಿದ್ದು, ಸಾರ್ವಜನಿಕರಿಗೆ ತೀವ್ರ ತೊಂದರೆಯಾಗುತ್ತಿದೆ.

ರಸ್ತೆ ಹಾಳಾಗಿರುವುದರಿಂದ ವಾಹನ ಸವಾರರು ಮತ್ತು ಪಾದಚಾರಿಗಳು ಅಪಾಯಕ್ಕೆ ಸಿಲುಕುವಂತಾಗಿದೆ. ಈ ಬಗ್ಗೆ ಸ್ಥಳೀಯರು ಹಲವು ಬಾರಿ ಮನವಿ ಮಾಡಿದರೂ ಯಾವುದೇ ಪ್ರಯೋಜನವಾಗಿಲ್ಲ. ತಕ್ಷಣ ಈ ಸಮಸ್ಯೆಗೆ ಸಂಬಂಧಪಟ್ಟ ಅಧಿಕಾರಿಗಳು ಗಮನ ಹರಿಸಿ ರಸ್ತೆ ದುರಸ್ತಿ ಮಾಡಬೇಕೆಂದು ಸ್ಥಳೀಯರು ಆಗ್ರಹಿಸಿದ್ದಾರೆ.