ಜನವರಿ 27, 2025 ರಂದು ಉಡುಪಿಯ ಸಂತೆಕಟ್ಟೆ ಅಂಡರ್ ಪಾಸ್ ಕಾಮಗಾರಿಯ ಸ್ಥಳಕ್ಕೆ ಸಂಸದ ಕೋಟ ಶ್ರೀನಿವಾಸ್ ಪೂಜಾರಿ ಭೇಟಿ ನೀಡಿ, ಸ್ಥಳೀಯರು ವ್ಯಕ್ತಪಡಿಸಿರುವ ವಿಳಂಬದ ಬಗ್ಗೆ ಆತ್ಮೀಯವಾಗಿ ಗಮನ ಹರಿಸಿದರು. ಕಾಮಗಾರಿಯ ನಿಧಾನಗತಿಯ ಕುರಿತು ಸ್ಥಳೀಯರ ಆಕ್ರೋಶದ ಹಿನ್ನೆಲೆಯಲ್ಲಿ, ಅವರು ರಾಷ್ಟ್ರೀಯ ಹೆದ್ದಾರಿ ಪ್ರಾಧಿಕಾರದಿಂದ ರೀಜನಲ್ ಆಫೀಸರ್ ಅವರನ್ನು ಸ್ಥಳಕ್ಕೆ ಕರೆಸಿಕೊಂಡು ಶೀಘ್ರ ಕಾರ್ಯಗತಗೊಳಿಸಲು ಸೂಚನೆ ನೀಡಿದರು.
ಈ ಸಂದರ್ಭದಲ್ಲಿ, ಕೋಟ ಶ್ರೀನಿವಾಸ್ ಪೂಜಾರಿ ಯವರು “ಸಂತೆಕಟ್ಟೆಯ ಡಾಂಬರೀಕರಣ ಕಾಮಗಾರಿ ಮೂರು ದಿನಗಳ ಒಳಗೆ ಪ್ರಾರಂಭವಾಗಲಿದೆ ಮತ್ತು ಒಂದು ವಾರದ ಒಳಗೆ ಪೂರ್ಣಗೊಳ್ಳಲಿದೆ.” ಬೆಂಗಳೂರಿನಿಂದ ರೀಜನಲ್ ಆಫೀಸರ್ ಇಂದು ಸ್ಥಳಕ್ಕೆ ಆಗಮಿಸಿದ್ದಾರೆ. “ಅನಗತ್ಯ ವಿಳಂಬವಾಗದಂತೆ ನಾವು ಎಚ್ಚರಿಕೆ ನೀಡಿದ್ದೇವೆ. ಡಾಂಬರೀಕರಣದ ನಂತರ ಫ್ಲೈ ಓವರ್ ಕಾಮಗಾರಿಯ ಯೋಜನೆ ರೂಪಿಸಲಾಗುತ್ತದೆ” ಎಂದು ಮಾಹಿತಿ ನೀಡಿದರು.
ಈ ಮೂಲಕ, ಸ್ಥಳೀಯರ ಸಮಸ್ಯೆಗಳಿಗೆ ತಕ್ಷಣದ ಪರಿಹಾರ ಒದಗಿಸಲು ಕ್ರಮ ಕೈಗೊಳ್ಳಲಾಗಿದೆ.
