ಶರಣಾಗತಿಯ ನಂತರ ನಡೆಯುವ ಪ್ರಕ್ರಿಯೆ
- ಮಾಹಿತಿ ಪೂರೈಕೆ:
ಶರಣಾಗತರು ಶರಣಾಗತಿಯಾಗಿ ಬಂದ ನಂತರ ಸಂಬಂಧಿಸಿದ ಚಟುವಟಿಕೆಗಳ ಬಗ್ಗೆ ಸಂಪೂರ್ಣ ಮಾಹಿತಿ ನೀಡಬೇಕು.
2. ಸಾರ್ವಜನಿಕ ಘೋಷಣೆ:
ಶರಣಾಗತರು ಮಾಧ್ಯಮಗಳ ಮುಂದೆ ಸ್ವಇಚ್ಛೆಯಿಂದ ಶರಣಾಗತಿಯಾಗಿರುವ ಬಗ್ಗೆ ಸ್ಪಷ್ಟ ಮತ್ತು ಸಾರ್ವಜನಿಕ ಪ್ರಕಟಣೆ ನೀಡಬೇಕು.
3. ತಮ್ಮ ಸಹಚರರ ಮಾಹಿತಿ:
ಶರಣಾಗತರು ತಮ್ಮೊಂದಿಗೆ ಭೂಗತವಾಗಿ ಕೆಲಸ ಮಾಡುತ್ತಿದ್ದ ಎಲ್ಲಾ ಸಹಚರರ ಹೆಸರುಗಳನ್ನು ಬಹಿರಂಗ ಪಡಿಸಬೇಕು.
4. ವೀಡಿಯೋ ದಾಖಲೆ:
ಶರಣಾಗತ ವ್ಯಕ್ತಿಯ ಹೇಳಿಕೆಯನ್ನು ವಿಡಿಯೋ ಮೂಲಕ ದಾಖಲಿಸಬೇಕು.
5. ರಾಜ್ಯ ಶರಣಾಗತಿ ಸಮಿತಿಯಿಂದ ಅನುಮೋದನೆ:
ಜಿಲ್ಲಾ ಶರಣಾಗತಿ ಸಮಿತಿಯಿಂದ ದಾಖಲಾದ ವರದಿಯನ್ನು ರಾಜ್ಯ ಶರಣಾಗತಿ ಸಮಿತಿಗೆ ಅನುಮೋದನೆಗಾಗಿ ಕಳುಹಿಸಲಾಗುತ್ತದೆ.
6. ಶರಣಾಗತಿ ಸೌಲಭ್ಯಗಳು:
ಶರಣಾಗತಿಗೆ ಸರ್ಕಾರದ ನಿಯಮಾವಳಿಯ ಪ್ರಕಾರ ಸೌಲಭ್ಯಗಳನ್ನು ನೀಡಲು ಜಿಲ್ಲಾ ಶರಣಾಗತಿ ಸಮಿತಿಯು ಮುಂದಾಗುತ್ತದೆ.
7. ನಿಗಾ ಅವಧಿ:
ಶರಣಾಗತ ವ್ಯಕ್ತಿಯ ಮೇಲೆ ಎರಡು ವರ್ಷಗಳ ಕಾಲ ವಿಶೇಷ ನಿಗಾ ಇಡಲಾಗುತ್ತದೆ.
8. ಸಂಪರ್ಕಾಧಿಕಾರಿ:
ಡಿವೈಎಸ್‌ಪಿ ಶ್ರೇಣಿಯ ಆಂತರಿಕ ಭದ್ರತಾ ಅಧಿಕಾರಿಯನ್ನು ಶರಣಾಗತಿಗಳ ಸಂಪರ್ಕಾಧಿಕಾರಿಯಾಗಿ ನೇಮಕ ಮಾಡಲಾಗುತ್ತದೆ. ಈ ಅಧಿಕಾರಿ ಶರಣಾಗತ ವ್ಯಕ್ತಿಯ ಚಲನವಲನವನ್ನು ನಿಗ್ರಹಿಸಿ ತಿಂಗಳಿಗೆ ಒಂದು ಬಾರಿ ವರದಿ ಸಲ್ಲಿಸುತ್ತಾರೆ.
9. ಶರಣಾಗತಿ ವರದಿ ತಯಾರಿ:
ಶರಣಾಗತಿ ವರದಿಯನ್ನು ತಯಾರಿಸಿ, ಜಿಲ್ಲಾ ಶರಣಾಗತಿ ಸಮಿತಿಯ ಮುಂದೆ ಮಂಡಿಸಬೇಕು.
ಕಾನೂನು ಪ್ರಕ್ರಿಯೆ
ಪ್ರಕರಣಗಳ ಪರಿಶೀಲನೆ:
ಶರಣಾಗತ ವ್ಯಕ್ತಿಯ ಮೇಲೆ ಇದ್ದ ಪ್ರಕರಣಗಳನ್ನು ರಾಜ್ಯ ಶರಣಾಗತಿ ಸಮಿತಿ ಪರಿಶೀಲಿಸಿ, ಅವುಗಳನ್ನು ವಾಪಸ್ ಪಡೆಯಲು ಸರ್ಕಾರಕ್ಕೆ ಮನವಿ ಸಲ್ಲಿಸಬಹುದು.
ಸಂಪುಟದ ಅನುಮತಿ:
ಪ್ರಕರಣ ವಾಪಸ್ ಪಡೆಯಲು ರಾಜ್ಯ ಸಚಿವ ಸಂಪುಟದ ಅನುಮತಿ ಅಗತ್ಯವಿರುತ್ತದೆ.
ಕೋರ್ಟ್‌ನಲ್ಲಿ ಅರ್ಜಿ:
ಸರ್ಕಾರದ ಅಭಿಯೋಜಕರು ಸಂಬಂಧಪಟ್ಟ ಕೋರ್ಟ್‌ನಲ್ಲಿ ಪ್ರಕರಣ ವಾಪಸ್ ಪಡೆಯಲು ಅರ್ಜಿ ಸಲ್ಲಿಸಬೇಕು.
ಕೋರ್ಟ್ ನಿರ್ಧಾರ:
ಕೋರ್ಟ್ ಪರಿಗಣನೆ ಮಾಡಿದ ನಂತರ, ಪ್ರಕರಣ ವಾಪಸ್ ಮಾಡಲು ಅನುಮತಿ ನೀಡಬಹುದು.
ಕೇಂದ್ರದ ಶರಣಾಗತಿ ಪ್ರಕ್ರಿಯೆ:
ರಾಜ್ಯದಿಂದ ಶಿಫಾರಸು ಪ್ರಕ್ರಿಯೆ ಪೂರ್ಣಗೊಂಡ ನಂತರ, ಅದು ಕೇಂದ್ರ ನಕ್ಸಲ್ ಶರಣಾಗತಿ ಸಮಿತಿಗೆ ಕಳುಹಿಸಲಾಗುತ್ತದೆ.
ಅಂತಿಮ ನಿರ್ಧಾರ:
ಶರಣಾಗತಿ ಪ್ರಕ್ರಿಯೆಗೆ ಕೇಂದ್ರ ಗೃಹ ಇಲಾಖೆಯ ಒಪ್ಪಿಗೆ ಪಡೆಯಲಾಗುತ್ತದೆ, ಇದು ರಾಷ್ಟ್ರೀಯ ಭದ್ರತಾ ಸಲಹೆಗಾರರ ಮೂಲಕ ಕೇಂದ್ರ ಸಚಿವ ಸಂಪುಟಕ್ಕೆ ಕಳುಹಿಸಲಾಗುತ್ತದೆ. ಎಲ್ಲಾ ಹಂತಗಳಲ್ಲಿ ಅನುಮೋದನೆ ಪಡೆದ ನಂತರ, ಕೋರ್ಟ್ ತೀರ್ಮಾನದೊಂದಿಗೆ ಪ್ರಕರಣ ವಾಪಸ್ ತೆಗೆದುಕೊಳ್ಳಲು ಸಾಧ್ಯವಾಗುತ್ತದೆ.
ಈ ಎಲ್ಲಾ ಹಂತಗಳು ಶರಣಾಗತಿಯ ನಂತರ ಶರಣಾಗತ ವ್ಯಕ್ತಿ ಮತ್ತು ಸರ್ಕಾರ ನಡುವಿನ ಪ್ರಕ್ರಿಯೆಗಳನ್ನು ನಿರ್ವಹಿಸಲು ಸಹಾಯಕರವಾಗಿವೆ.
