ಪೆರ್ಡೂರು, ಜೂನ್ 5: ಪೆರ್ಡೂರಿನ ಪ್ರಸಿದ್ಧ ಶ್ರೀ ಅನಂತಪದ್ಮನಾಭ ದೇವಾಲಯದಲ್ಲಿ 2025ರ ಜೂನ್ 5ರಂದು ಗುರುವಾರ ಬೆಳಿಗ್ಗೆ 8.30ರಿಂದ ಭಕ್ತಿಭಾವಪೂರ್ಣ ಧಾರ್ಮಿಕ ಕಾರ್ಯಕ್ರಮಗಳು ಭಕ್ತಿ ಭಾವದಿಂದ ನಡೆಯಲಿವೆ. ಮಹಾ ಮೃತ್ಯುಂಜಯ ಹೋಮದೊಂದಿಗೆ ಪ್ರಾರಂಭವಾಗಲಿರುವ ಈ ಉತ್ಸವದಲ್ಲಿ ಸಾಮೂಹಿಕ ಪ್ರಾರ್ಥನೆ, ಮುಷ್ಠಿಕಾಣಿಕೆ ಸಮರ್ಪಣೆ, ಬೊಬ್ಬರ್ಯ ಗುಡಿಯ ಸಂಕೋಚ, ಅನ್ನಸಂತರ್ಪಣೆ ಸೇರಿದಂತೆ ವಿವಿಧ ಧಾರ್ಮಿಕ ಕಾರ್ಯಕ್ರಮಗಳು ನಡೆಯಲಿವೆ.
ಈ ಮಹತ್ವದ ಕಾರ್ಯಕ್ರಮಗಳನ್ನು ಭಕ್ತಾದಿಗಳ ತನು-ಮನ-ಧನ ಸಹಕಾರದೊಂದಿಗೆ ಯಶಸ್ವಿಯಾಗಿ ನಡೆಸಲು ದೇವಳದ ವ್ಯವಸ್ಥಾಪನಾ ಸಮಿತಿ ಸಂಕಲ್ಪ ಮಾಡಿದ್ದು, ಭಕ್ತರಿಗೆ ದೇವರ ಸೇವೆಯಲ್ಲಿ ಪಾಲ್ಗೊಳ್ಳುವಂತೆ ಕೋರಿದೆ.
ನಗದು ರೂಪದ ದೇಣಿಗೆಗಳನ್ನು ದೇವಳದ ಸೇವಾ ಕಚೇರಿಗೆ ನೀಡಿ ರಶೀದಿ ಪಡೆಯಬಹುದಾಗಿದೆ. ವಸ್ತು ರೂಪದ ದೇಣಿಗೆಗಳನ್ನು ನೀಡುವವರು ಜೂನ್ 5ರಂದು ಬೆಳಿಗ್ಗೆ 9 ಗಂಟೆಯೊಳಗೆ ಕಚೇರಿಗೆ ತಲುಪಿಸುವಂತೆ ವಿನಂತಿಸಲಾಗಿದೆ.
ಆನ್ಲೈನ್ ಮೂಲಕ ದೇಣಿಗೆ ಪಾವತಿಸಲು ಈ ವೆಬ್ ಲಿಂಕ್‌ ಅನ್ನು ಉಪಯೋಗಿಸಬಹುದು:
🔗 https://www.perdoorshriananthapadmanabhatemple.org/e-annadhana-kanike
ಆನ್ಲೈನ್ ಪಾವತಿ ಮಾಡಿದ ಭಕ್ತರ ಹೆಸರುಗಳನ್ನು ದೇವಳದ ಅಧಿಕೃತ ವೆಬ್‌ಸೈಟ್‌ನಲ್ಲಿ ಪ್ರಕಟಿಸಲಾಗುವುದು. ಭಕ್ತರು ಇದರ ಸದುಪಯೋಗ ಪಡೆದು ಕೊಳ್ಳಬೇಕೆಂದು ವ್ಯವಸ್ಥಾಪನ ಸಮಿತಿ – ಶ್ರೀ ಅನಂತಪದ್ಮನಾಭ ದೇವಸ್ಥಾನ ಪೆರ್ಡೂರು ವಿನಂತಿಸಿದೆ.
