ಕುಂದಾಪುರ: ವಿಠಲವಾಡಿ ನಿವಾಸಿ 33 ವರ್ಷದ ಹೀನಾ ಕೌಷರ್ ಎಂಬ ವಿವಾಹಿತ ಮಹಿಳೆ ನಾಪತ್ತೆಯಾಗಿದ್ದು, ಅವರ ಸ್ಕೂಟರ್ ಮತ್ತು ಚಪ್ಪಲಿ ಚರ್ಚ್ ರೋಡ್ ನಿಂದ ಕೋಡಿಗೆ ಹೋಗುವ ಸೇತುವೆ ಬಳಿ ಪತ್ತೆಯಾಗಿದೆ.
ಹೀನಾ ಕೌಷರ್ ಪತಿ ವಿದೇಶದಲ್ಲಿದ್ದು, ಇಬ್ಬರು ಮಕ್ಕಳು ಮತ್ತು ತಾಯಿಯೊಂದಿಗೆ ವಿಠಲವಾಡಿಯಲ್ಲಿ ವಾಸಿಸುತ್ತಿದ್ದರು. ಸೋಮವಾರ ಬೆಳಗ್ಗೆ 4:00 ಗಂಟೆ ಸುಮಾರಿಗೆ ಅವರ ಸ್ಕೂಟರ್ ಮತ್ತು ಚಪ್ಪಲಿ ಸೇತುವೆ ಬಳಿ ಕಂಡುಬಂದ ನಂತರ, ಅವರನ್ನು ಹುಡುಕಲು ಪೊಲೀಸರು, ಅಗ್ನಿಶಾಮಕ ದಳ ಮತ್ತು ಸ್ಥಳೀಯರು ನದಿ ಹಾಗೂ ಸುತ್ತಮುತ್ತಲ ಪ್ರದೇಶಗಳಲ್ಲಿ ಶೋಧನೆ ನಡೆಸಿದರು. ಆದರೆ, ಇದುವರೆಗೂ ಅವರ ಪತ್ತೆ ಆಗಿಲ್ಲ.
ಹೀನಾ ಕೌಷರ್ ರವರ ಮೊಬೈಲ್ ಫೋನ್ ಸ್ವಿಚ್ ಆಫ್ ಆಗಿರುವುದರಿಂದ, ಇದು ಆತ್ಮಹತ್ಯೆಯ ಪ್ರಯತ್ನವೋ ಅಥವಾ ಇತರ ಕಾರಣಗಳಿಂದಾದ ನಾಪತ್ತೆಯೋ ಎಂದು ಅನುಮಾನ ವ್ಯಕ್ತವಾಗಿದೆ. ಕುಂದಾಪುರ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದ್ದು, ಮಹಿಳೆಯನ್ನು ಹುಡುಕಲು ತುರ್ತು ಶೋಧನೆ ನಡೆಸಲಾಗುತ್ತಿದೆ.
ಸ್ಥಳೀಯರಿಗೆ ಯಾವುದೇ ಸುಳಿವು ದೊರೆತರೆ ಪೊಲೀಸರಿಗೆ ಮಾಹಿತಿ ನೀಡುವಂತೆ ವಿನಂತಿಸಲಾಗಿದೆ.
