ಕಾರ್ಕಳ: ದೇಶದ ಅತ್ಯುನ್ನತ ತಾಂತ್ರಿಕ ಶಿಕ್ಷಣ ಸಂಸ್ಥೆಗಳಾದ ಐಐಟಿ ಮುಂಬೈ, ಐಐಟಿ ದೆಹಲಿ, ಐಐಟಿ ಗುವಾಹಟಿ ಸೇರಿದಂತೆ ವಿವಿಧ ಐಐಟಿಗಳಲ್ಲಿ ‘ಬ್ಯಾಚುಲರ್ ಆಫ್ ಡಿಸೈನ್’ (B.Des) ಕೋರ್ಸ್ ಪ್ರವೇಶಕ್ಕಾಗಿ ನಡೆದ ಯು.ಸಿ.ಇ.ಇ.ಡಿ (UCEED) ಪ್ರವೇಶ ಪರೀಕ್ಷೆಯಲ್ಲಿ ಕಾರ್ಕಳದ ಕ್ರಿಯೇಟಿವ್ ಕಾಲೇಜಿನ ವಿದ್ಯಾರ್ಥಿಗಳು ಅಮೋಘ ಸಾಧನೆ ಮಾಡಿದ್ದಾರೆ.
2026ರ ಜನವರಿ 18ರಂದು ನಡೆದ ಈ ರಾಷ್ಟ್ರಮಟ್ಟದ ಪರೀಕ್ಷೆಯಲ್ಲಿ ಕಾಲೇಜಿನ ವಿದ್ಯಾರ್ಥಿ ಸೂರಜ್ ಸುರೇಶ್ ಜನರಲ್ ವಿಭಾಗದಲ್ಲಿ 518ನೇ ರ್ಯಾಂಕ್ ಪಡೆಯುವ ಮೂಲಕ ಸಾಧನೆಗೈದಿದ್ದಾರೆ. ಇತರ ಸಾಧಕ ವಿದ್ಯಾರ್ಥಿಗಳ ವಿವರ ಈ ಕೆಳಗಿನಂತಿದೆ:
- ಭೂಮಿಕಾ ವೈ: OBC-NCL ವಿಭಾಗದಲ್ಲಿ 1378ನೇ ರ್ಯಾಂಕ್
- ಸಂಕೀರ್ತ್ ರಾಜ್ ಕೆ. ಜಿ: 1381ನೇ ರ್ಯಾಂಕ್
- ಚಿರಂತ್ ಕೆ. ಎನ್: OBC-NCL ವಿಭಾಗದಲ್ಲಿ 1507ನೇ ರ್ಯಾಂಕ್
ಈ ವಿದ್ಯಾರ್ಥಿಗಳು ಮುಂದಿನ ಹಂತದ ಕೌನ್ಸೆಲಿಂಗ್ ಪ್ರಕ್ರಿಯೆಗೆ ಅರ್ಹತೆ ಪಡೆದಿದ್ದಾರೆ. ಸಾಧಕ ವಿದ್ಯಾರ್ಥಿಗಳನ್ನು ಸಂಸ್ಥೆಯ ಪ್ರಾಂಶುಪಾಲರು, ಆಡಳಿತ ಮಂಡಳಿ, ಪರೀಕ್ಷಾ ಸಂಯೋಜಕರಾದ ಸುಮಂತ್ ದಾಮ್ಲೆ ಹಾಗೂ ಬೋಧಕ ಮತ್ತು ಬೋಧಕೇತರ ಸಿಬ್ಬಂದಿ ವರ್ಗದವರು ಅಭಿನಂದಿಸಿದ್ದಾರೆ.
