ಮದ್ಯ ಸೇವಿಸಿ ಬಂದು ಅಣ್ಣನಿಗೆ ಮಾರಣಾಂತಿಕವಾಗಿ ಕತ್ತಿಯಿಂದ ಇರಿದ ತಮ್ಮ

ಕಾಞಂಗಾಡ್: ಇಲ್ಲಿನ ರಾವಣೇಶ್ವರ ಪಾಣಂತೊಟ್ಟದಲ್ಲಿ ಸಹೋದರರ ನಡುವೆ ನಡೆದ ಜಗಳವು ಮಾರಣಾಂತಿಕ ತಿರುವು ಪಡೆದಿದ್ದು, ಅಣ್ಣನಿಗೆ ಗಂಭೀರ ಸ್ವರೂಪದ ಗಾಯಗಳಾಗಿವೆ.

ರಾವಣೇಶ್ವರ ಪಾಣಂತೊಟ್ಟ ನಿವಾಸಿ ಶಾಜಿ ($45$) ಇರಿತಕ್ಕೊಳಗಾದವರು. ಈತನ ಸ್ಥಿತಿ ಚಿಂತಾಜನಕವಾಗಿದೆಯೆಂದು ತಿಳಿದುಬಂದಿದ್ದು, ಕೋಯಿಕ್ಕೋಡ್ ಆಸ್ಪತ್ರೆಯಲ್ಲಿ ಚಿಕಿತ್ಸೆ ನೀಡಲಾಗುತ್ತಿದೆ.

ನಿನ್ನೆ (ಗುರುವಾರ) ಮಧ್ಯಾಹ್ನ ಈ ಘಟನೆ ನಡೆದಿದ್ದು, ಮದ್ಯ ಸೇವಿಸಿ ಮನೆಗೆ ಬಂದ ತಮ್ಮ ಶೈಜು ಕತ್ತಿಯಿಂದ ಅಣ್ಣ ಶಾಜಿಗೆ ಇರಿದಿದ್ದಾನೆ ಎನ್ನಲಾಗಿದೆ. ಘಟನೆ ನಡೆದ ನಂತರ ಪೊಲೀಸರು ತಕ್ಷಣ ಕ್ರಮ ಕೈಗೊಂಡು ಆರೋಪಿ ಶೈಜುವನ್ನು ಬಂಧಿಸಿದ್ದಾರೆ. ಈ ಸಂಬಂಧ ಹೆಚ್ಚಿನ ತನಿಖೆ ನಡೆಯುತ್ತಿದೆ.