ಇಸ್ಲಾಮಾಬಾದ್: “ಭಾರತದೊಂದಿಗೆ ಯುದ್ಧ ನಡೆದರೆ ನಾನು ಇಂಗ್ಲೆಂಡ್‌ಗೆ ಹೋಗುತ್ತೇನೆ” ಎಂಬ ಪಾಕಿಸ್ಥಾನದ ಸಂಸದ ಶೇರ್ ಅಫ್ಜಲ್ ಖಾನ್ ಮರ್ವಾತ್ ಅವರ ವಿವಾದಾತ್ಮಕ ಹೇಳಿಕೆ ಇದೀಗ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದೆ.
ಪತ್ರಕರ್ತರೊಬ್ಬರು “ಯುದ್ಧ ಆರಂಭವಾದರೆ ಗಡಿಗೆ ಗನ್ ಹಿಡಿದು ಹೋಗುತ್ತೀರಾ?” ಎಂದು ಕೇಳಿದಾಗ, ಪಾಕಿಸ್ಥಾನದ ರಾಷ್ಟ್ರೀಯ ಅಸೆಂಬ್ಲಿಯ ಈ ಸದಸ್ಯ ವ್ಯಂಗ್ಯದಿಂದ “ನಾನು ಇಂಗ್ಲೆಂಡ್‌ಗೆ ಹೋಗುತ್ತೇನೆ” ಎಂದು ಉತ್ತರಿಸಿದ್ದಾರೆ.
ಮತ್ತೊಂದು ಪ್ರಶ್ನೆಯಲ್ಲಿ ” ಉದ್ವಿಗ್ನತೆಯನ್ನು ಕಡಿಮೆ ಮಾಡಲು ಭಾರತದ ಪ್ರಧಾನಿ ಮೋದಿ ಹಿಂದೆ ಸರಿಯಬೇಕು ಎಂದು ನಂಬುತ್ತೀರಾ?” ಎಂಬುದಕ್ಕೆ, ಅವರು ಮತ್ತೊಮ್ಮೆ ತೀಕ್ಷ್ಣವಾಗಿ ಪ್ರತಿಕ್ರಿಯಿಸಿ, “ ನಾನು ಹೇಳಿದಾಗ ಅವರು ಹಿಂದೆ ಸರಿಯಲು ಏನು ಮೋದಿ ನನ್ನ ಅತ್ತೆ ಮಗನಾ?” ಎಂದು ಉತ್ತರಿಸಿದ್ದಾರೆ.
ಈ ಹೇಳಿಕೆ ಪಾಕ್‌ನಲ್ಲಿ ಭಾರೀ ಚರ್ಚೆಗೆ ಗ್ರಾಸವಾಗಿದ್ದು, ದೇಶದ ಜನಪ್ರತಿನಿಧಿಗಳಿಗೂ ಸೇನೆಯ ಸಾಮರ್ಥ್ಯದ ಮೇಲೆ ನಂಬಿಕೆ ಇಲ್ಲವೇ ಎಂಬ ಲೇವಡಿಗೆ ಕಾರಣವಾಗಿದೆ.
