ಹಿರಿಯಡಕ: ಹಿಂದೂ ಸಂಗಮ ಆಯೋಜನಾ ಸಮಿತಿ ಹಿರಿಯಡಕ ತಾಲೂಕು ಮತ್ತು ಪಳ್ಳಿ ಮಂಡಲದ ಸಂಯುಕ್ತ ಆಶ್ರಯದಲ್ಲಿ “ಹಿಂದೂ ಸಂಗಮ – ಸನಾತನ ಧರ್ಮದ ಸಂಭ್ರಮ” ಕಾರ್ಯಕ್ರಮವು ಇಂದು ಅತ್ಯಂತ ಸಡಗರದಿಂದ ಜರುಗಲಿದೆ.
ಕಾರ್ಯಕ್ರಮದ ವಿವರಗಳು:
- ದಿನಾಂಕ: 22-02-2026, ಆದಿತ್ಯವಾರ (ಇಂದು).
- ಸ್ಥಳ: ಶ್ರೀ ಕ್ಷೇತ್ರ ಮಂಗಲ್ದಿ ಮಠ, ಪಳ್ಳಿ.
- ಸಮಯ: ಮಧ್ಯಾಹ್ನ 3.00 ಗಂಟೆಗೆ ಸರಿಯಾಗಿ.
ದಿವ್ಯ ಉಪಸ್ಥಿತಿ:
ಉಡುಪಿ ಅದಮಾರು ಮಠದ ಕಿರಿಯ ಶ್ರೀಪಾದರಾದ ಶ್ರೀ ಶ್ರೀ ಈಶ ಪ್ರಿಯತೀರ್ಥ ಶ್ರೀಪಾದರು ಕಾರ್ಯಕ್ರಮದಲ್ಲಿ ಉಪಸ್ಥಿತರಿದ್ದು ಆಶೀರ್ವಚನ ನೀಡಲಿದ್ದಾರೆ.
ಸಭಾ ಕಾರ್ಯಕ್ರಮ ಮತ್ತು ಬೌದ್ಧಿಕ್:
ಮಂಗಳೂರು ವಿಭಾಗದ ಕುಟುಂಬ ಪ್ರಭೋಧನ್ ಮತ್ತು ಕಿಶೋರಿ ಕಾರ್ಯದ ವಕ್ತಾರರಾದ ಸ್ವರ್ಣ ಕುಂದಾಪುರ ಅವರು ಸಭಾ ಕಾರ್ಯಕ್ರಮದಲ್ಲಿ ಮುಖ್ಯ ಬೌದ್ಧಿಕ್ ಪ್ರವಚನ ನೀಡಲಿದ್ದಾರೆ. ಸನಾತನ ಧರ್ಮದ ಜಾಗೃತಿ ಮತ್ತು ಕೌಟುಂಬಿಕ ಮೌಲ್ಯಗಳ ಕುರಿತು ಇವರು ಮಾರ್ಗದರ್ಶನ ನೀಡಲಿದ್ದಾರೆ.
ವಿಶೇಷ ಆಕರ್ಷಣೆ – ಭಜನೋತ್ಸವ:
ಸಂಜೆ 3.00 ಗಂಟೆಗೆ ಸರಿಯಾಗಿ ಕಾರ್ಯಕ್ರಮದ ಅಂಗವಾಗಿ ನೂರಾರು ಭಜಕರಿಂದ ಏಕಕಾಲದಲ್ಲಿ ‘ಭಜನೋತ್ಸವ’ ನಡೆಯಲಿದೆ. “ಎಲ್ಲಾ ಭೇದ ಮರೆತು, ಬನ್ನಿರಿ ನಾವು ಸಮಾನ” ಎಂಬ ಘೋಷವಾಕ್ಯದೊಂದಿಗೆ ಹಿಂದೂ ಸಮಾಜವನ್ನು ಒಗ್ಗೂಡಿಸುವ ಭಜನಾ ಸಂಕೀರ್ತನೆ ಮಂಗಲ್ದಿ ಮಠದ ಪರಿಸರದಲ್ಲಿ ಅನುರಣಿಸಲಿದೆ.
ಪಳ್ಳಿ ಮಂಡಲದ ಸದ್ಧರ್ಮ ಆಸಕ್ತರು ಮತ್ತು ಭಕ್ತಾದಿಗಳು ಹೆಚ್ಚಿನ ಸಂಖ್ಯೆಯಲ್ಲಿ ಪಾಲ್ಗೊಳ್ಳುವಂತೆ ಆಯೋಜನಾ ಸಮಿತಿ ವಿನಂತಿಸಿದೆ.
