ಬೆಂಗಳೂರು: ಇತ್ತೀಚಿನ ದಿನಗಳಲ್ಲಿ ಯುವಜನತೆಯಲ್ಲಿಯೂ ಹೃದಯಾಘಾತದಿಂದ ಸಾವಿನ ಪ್ರಕರಣಗಳು ಏರಿಕೆಯಾಗುತ್ತಿರುವುದು ತಜ್ಞರಲ್ಲಿ ಆತಂಕ ಹುಟ್ಟಿಸಿದೆ. ಈ ಹಿನ್ನೆಲೆಯಲ್ಲಿ ಹೃದ್ರೋಗ ತಜ್ಞ ಹಾಗೂ ಸಂಸದ ಡಾ. ಸಿ.ಎನ್. ಮಂಜುನಾಥ್ ಅವರು ಹೃದಯದ ಆರೋಗ್ಯವನ್ನು ಕಾಪಾಡಿಕೊಳ್ಳಲು ಅನುಸರಿಸಬಹುದಾದ ಕೆಲವು ಅಮೂಲ್ಯ ಸಲಹೆಗಳನ್ನು ನೀಡಿದ್ದಾರೆ.
ಹೃದ್ರೋಗಿಗಳ ಉಳಿವಿನ ದಾರಿಯಲ್ಲಿ ಸಾವಿರಾರು ಜನರಿಗೆ ದಾರಿ ತೋರಿಸಿರುವ ಡಾ. ಮಂಜುನಾಥ್, ಈಗಲೂ ವೈದ್ಯಕೀಯ ಜವಾಬ್ದಾರಿಗಳನ್ನು ನಿರ್ವಹಿಸುತ್ತಿದ್ದಾರೆ. ಹಾಸನ ಜಿಲ್ಲೆಯಲ್ಲಿ ಹೆಚ್ಚುತ್ತಿರುವ ಹೃದಯಾಘಾತದ ಪ್ರಕರಣಗಳ ಮಧ್ಯೆ ಅವರು ನೀಡಿದ ಸೂಚನೆಗಳು ಎಲ್ಲರಿಗೂ ಉಪಯುಕ್ತವಾಗುವಂತಿವೆ.
ಹೃದಯ ಆರೋಗ್ಯಕ್ಕಾಗಿ ಪಾಲಿಸಬೇಕಾದ ಪ್ರಮುಖ ಟಿಪ್ಸ್:
ರಕ್ತದೊತ್ತಡ ನಿಯಂತ್ರಣ: ನಿಯಮಿತ ಜೀವನಶೈಲಿಯ ಮೂಲಕ ಬಿಪಿಯನ್ನು ನಿಯಂತ್ರಣದಲ್ಲಿಟ್ಟುಕೊಳ್ಳುವುದು ಅತ್ಯಾವಶ್ಯಕ.
ಮಧುಮೇಹದಿಂದ ಎಚ್ಚರಿಕೆ: ಡಯಾಬಿಟಿಸ್ ಹೃದಯಾಘಾತಕ್ಕೆ ಪ್ರೇರಕವಾಗುವುದರಿಂದ ಆಹಾರ ಶೈಲಿಯಲ್ಲಿ ಜಾಗೃತತೆ ಅಗತ್ಯ.
ಕೋಲೆಸ್ಟ್ರಾಲ್ ಕಡಿಮೆ ಆಹಾರ: ಕೊಬ್ಬು ಹೆಚ್ಚಿರುವ ಆಹಾರದಿಂದ ದೂರವಿರಬೇಕು.
ಅತಿಯಾದ ಆಸೆ ತಗ್ಗಿಸಿ: ಲೋಭ, ಹಠ ಮುಂತಾದ ಅತಿಯಾದ ಆಸೆಗಳು ಆರೋಗ್ಯದ ಮೇಲೆ ದುಷ್ಪರಿಣಾಮ ಬೀರುತ್ತವೆ.
ಮಾನಸಿಕ ನೆಮ್ಮದಿ ಅಗತ್ಯ: ಒತ್ತಡ, ಟೆನ್ಷನ್, ಕೆಟ್ಟ ಯೋಚನೆಗಳಿಂದ ದೂರವಿರಬೇಕು.
ನಿತ್ಯ ವ್ಯಾಯಾಮ, ವಾಕಿಂಗ್: ನಿಯಮಿತ ವ್ಯಾಯಾಮ ದೇಹ ಹಾಗೂ ಮನಸ್ಸಿಗೆ ಉಜ್ವಲ ಫಲಿತಾಂಶ ನೀಡುತ್ತದೆ.
ಡಾ. ಮಂಜುನಾಥ್ ಅಭಿಪ್ರಾಯದಂತೆ, ಈ ಸರಳ ಕ್ರಮಗಳನ್ನು ಅನುಸರಿಸಿದರೆ ಹೃದಯಾಘಾತದ ಅಪಾಯದಿಂದ ನಾವೆಲ್ಲರೂ ದೂರವಿರಬಹುದು.
