ಹೆಬ್ರಿ: ಸಾರ್ವಜನಿಕ ಗಣೇಶೋತ್ಸವ ಸಮಿತಿ (ರಿ), ಹೆಬ್ರಿ, ಇದರ ಸುವರ್ಣ ಸಂಭ್ರಮದ ಗಣೇಶೋತ್ಸವದ ಅಂಗವಾಗಿ ಆಯೋಜಿಸಿದ್ದ ಮುಕ್ತ ಅಂಡರ್-ಆರ್ಮ್ ಕ್ರಿಕೆಟ್ ಪಂದ್ಯಾಟ ಯಶಸ್ವಿಯಾಗಿ ನಡೆಯಿತು. ಸಮಿತಿಯ ಉಪಾಧ್ಯಕ್ಷ ಮತ್ತು ಹಿರಿಯರಾದ ಹೆಚ್. ಪ್ರಕಾಶ್ ಮಲ್ಯ ಅವರು ಪಂದ್ಯಾಟವನ್ನು ಉದ್ಘಾಟಿಸಿ ಶುಭ ಹಾರೈಸಿದರು.
ಕಾರ್ಯಕ್ರಮದ ವಿವರಗಳು:
ಗಣೇಶೋತ್ಸವ ಸಮಿತಿಯ ಅಧ್ಯಕ್ಷರಾದ ಜನಾರ್ಧನ ಎಚ್ ಅವರು ಕಾರ್ಯಕ್ರಮದ ಅಧ್ಯಕ್ಷತೆ ವಹಿಸಿದ್ದರು. ಈ ಸಂದರ್ಭದಲ್ಲಿ ಕ್ರೀಡಾ ಸಂಚಾಲಕರಾದ ಕರುಣಾಕರ ಸೇರಿಗಾರ್, ಉಪಾಧ್ಯಕ್ಷ ದಿವಾಕರ ಶೆಟ್ಟಿ ಸೀತಾನದಿ, ಕ್ರಿಕೆಟ್ ಬಹುಮಾನದ ಪ್ರಾಯೋಜಕತ್ವವನ್ನು ನೀಡಿದ ಶ್ರೀ ಅಶೋಕ್ ಹೆಗ್ಡೆ ಶ್ರೀ ಪೊಳಲಿ, ಹಾಗೂ ಸಮಿತಿಯ ಸಂಚಾಲಕರುಗಳಾದ ಸಂತೋಷ್ ನಾಯಕ್, ವಸಂತ ವಿ.ಎಸ್.ಎಸ್, ನರೇಂದ್ರ ನಾಯಕ್, ನಾಗರಾಜ್ ಬಿ. ಶೆಟ್ಟಿ, ನಿತೀಶ್ ಎಸ್.ಪಿ, ಸಂತೋಷ್ ಕುಮಾರ್, ಸತೀಶ್ ನಾಯ್ಕ್, ಸುದೀಪ್ ಭಟ್, ಸುದೀಪ್ ಸೇರಿಗಾರ್, ಪ್ರಸನ್ನ ಸೇರಿಗಾರ್, ವಿದ್ಯಾ ಮಲ್ಯ ಸೇರಿದಂತೆ ಹಲವು ಗಣ್ಯರು ಉಪಸ್ಥಿತರಿದ್ದರು.
ಪಂದ್ಯಾಟದ ಫಲಿತಾಂಶ:
ಒಟ್ಟು 23 ತಂಡಗಳು ಭಾಗವಹಿಸಿದ್ದ ಈ ಕ್ರೀಡಾಕೂಟದಲ್ಲಿ, ‘ಹೆಬ್ರಿ ಕ್ರಿಕೆಟರ್ಸ್’ ತಂಡವು ವಿಜೇತ ಪ್ರಶಸ್ತಿಯನ್ನು ಬಾಚಿಕೊಂಡಿತು. ‘ಭದ್ರಕಾಳಿ ಫ್ರೆಂಡ್ಸ್ ಮುದ್ರಾಡಿ’ ತಂಡವು ರನ್ನರ್-ಅಪ್ ಪ್ರಶಸ್ತಿಗೆ ಭಾಜನವಾಯಿತು. ಸಮಿತಿಯ ಸಂಚಾಲಕ ಪ್ರಸಾದ್ ಶೆಟ್ಟಿ ಅವರು ಕಾರ್ಯಕ್ರಮ ನಿರೂಪಿಸಿ, ವಂದನಾರ್ಪಣೆ ಮಾಡಿದರು.
