ಹೋಳಿ ಹಬ್ಬದಂದು ಚರ್ಮ ಕಾಪಾಡಲು ಈ ಟಿಪ್ಸ್ ಅನ್ನು ತಪ್ಪದೆ ಅನುಸರಿಸಿ

ಬೆಂಗಳೂರು: ಬಣ್ಣಗಳ ಹಬ್ಬ ಹೋಳಿ ಈ ವರ್ಷ ಮಾರ್ಚ್ 13ರಂದು ಆಚರಿಸಲಾಗುತ್ತದೆ. ಈ ಸಂದರ್ಭದಲ್ಲಿ ಬಣ್ಣಗಳೊಂದಿಗೆ ಆಟವಾಡುವಾಗ ತ್ವಚೆಗೆ ಹಾನಿ ಉಂಟಾಗದಂತೆ ಜಾಗರೂಕತೆ ವಹಿಸುವುದು ಮುಖ್ಯ.

ಚರ್ಮ ಆರೋಗ್ಯವನ್ನು ಕಾಪಾಡಲು ಇಲ್ಲಿವೆ ಕೆಲವು ಪ್ರಮುಖ ಟಿಪ್ಸ್:

ಪೂರ್ಣ ತೋಳಿನ ಉಡುಪು ಧರಿಸಿ: ದೇಹದ ಭಾಗಗಳಿಗೆ ನೇರವಾಗಿ ಬಣ್ಣ ಬೀಳದಂತೆ ಉದ್ದವಾದ ಬಟ್ಟೆ ಧರಿಸುವುದು ಉತ್ತಮ.

ಐಸ್ ಕ್ಯೂಬ್ ಮಸಾಜ್ ಮಾಡಿ: ಆಟವಾಡಲು ಹೋಗುವ ಮುನ್ನ ಚರ್ಮಕ್ಕೆ ಐಸ್‌ ಕ್ಯೂಬ್‌ ಹಚ್ಚಿ ಮಸಾಜ್ ಮಾಡಿದರೆ ರಂಧ್ರಗಳು ಮುಚ್ಚಿ ಬಣ್ಣದ ಹಾನಿ ಕಡಿಮೆಯಾಗುತ್ತದೆ.

ಮಾಯಿಶ್ಚರೈಸರ್ ಬಳಸಿ: ಸೂರ್ಯನ ಕಿರಣ ಹಾಗೂ ಬಣ್ಣದ ಹಾನಿಕಾರಕ ಅಂಶಗಳಿಂದ ತ್ವಚೆಯನ್ನು ರಕ್ಷಿಸಲು ಮಾಯಿಶ್ಚರೈಸರ್ ಅನಿವಾರ್ಯ.

ಸನ್ ಸ್ಕ್ರೀನ್ ಬಳಕೆ ಮಾಡಿರಿ: ಬಟ್ಟೆಯಿಂದ ಮುಚ್ಚಿದರೂ ಸನ್‌ಸ್ಕ್ರೀನ್ ಬಳಸುವುದು ಚರ್ಮಕ್ಕೆ ರಕ್ಷಣೆ ನೀಡುತ್ತದೆ.

ಫೇಸ್ ಮಾಸ್ಕ್ ಅನ್ವಯಿಸಿ: ಹೋಳಿ ಆಟವಾಡಲು ಮುನ್ನ ನೈಸರ್ಗಿಕ ಫೇಸ್ ಮಾಸ್ಕ್ ಬಳಸಿ ಚರ್ಮವನ್ನು ಆರೈಕೆ ಮಾಡಿಕೊಳ್ಳಿ.

ಚರ್ಮಕ್ಕೆ ಎಣ್ಣೆ ಹಚ್ಚಿ: ತ್ವಚೆಗೆ ಎಣ್ಣೆ ಹಚ್ಚುವುದರಿಂದ ಬಣ್ಣದ ಹಾನಿ ಕಡಿಮೆ ಮಾಡಬಹುದು.

ಮೇಕಪ್ ಬೇಡ: ಬಣ್ಣಗಳೊಂದಿಗೆ ಮೇಕಪ್ ಮಿಶ್ರಣವಾಗುವುದರಿಂದ ಚರ್ಮದ ಸಮಸ್ಯೆಗಳು ಉಂಟಾಗುವ ಸಾಧ್ಯತೆ ಇದೆ. ಹೀಗಾಗಿ ಮೇಕಪ್ ಇಲ್ಲದೇ ಇರುವುದೇ ಒಳ್ಳೆಯದು.