ಉತ್ತರ ಪ್ರದೇಶದ ಪ್ರಯಾಗರಾಜ್‌ನಲ್ಲಿ ನಡೆಯುತ್ತಿರುವ ಮಹಾ ಕುಂಭಮೇಳದಲ್ಲಿ ಭಾರೀ ಬೆಂಕಿ ಅವಘಡ ಸಂಭವಿಸಿದ್ದು, 20-25 ಟೆಂಟ್‌ಗಳು ಸುಟ್ಟು ಭಸ್ಮವಾಗಿದೆ.
ಶಾಸ್ತ್ರಿ ಬ್ರಿಡ್ಜ್ ಸೆಕ್ಟರ್-19 ಕ್ಯಾಂಪ್‌ನಲ್ಲಿ ಗ್ಯಾಸ್‌ ಸಿಲಿಂಡರ್‌ಗಳು ಸ್ಫೋಟಗೊಂಡು ಈ ದುರಂತ ಸಂಭವಿಸಿದೆ. ಅಡುಗೆ ಸಂದರ್ಭದಲ್ಲಿ ಬೆಂಕಿ ಕಾಣಿಸಿಕೊಂಡು, ಶೀಘ್ರವೇ ಹಲವು ಟೆಂಟ್‌ಗಳಿಗೆ ಹರಡಿದಂತೆ ತಿಳಿದುಬಂದಿದೆ.
ಸ್ಥಳದಲ್ಲಿನ ಪರಿಸ್ಥಿತಿ:
ಬೆಂಕಿ ಅಖಾಡದ ಮುಂಭಾಗದ ಕಬ್ಬಿಣದ ಸೇತುವೆಯ ಕೆಳಗೆ ಕಾಣಿಸಿಕೊಂಡಿದ್ದು, ಅಗ್ನಿಶಾಮಕ ದಳ ತಕ್ಷಣವೇ ಸ್ಥಳಕ್ಕೆ ಧಾವಿಸಿ ಬೆಂಕಿ ನಂದಿಸುವ ಕಾರ್ಯದಲ್ಲಿ ತೊಡಗಿದೆ. ಪ್ರದೇಶವನ್ನು ಸೀಲ್ ಮಾಡಿ, ಯಾವುದೇ ಪ್ರಾಣಾಪಾಯವಾಗದಂತೆ ರಕ್ಷಣಾ ಕಾರ್ಯ ನಡೆಸಲಾಗಿದೆ.
ಅಪಾಯ ತಡೆಯಲು ಕ್ರಮ:
ಗಾಳಿಯಲ್ಲಿ ಬೆಂಕಿ ಇನ್ನಷ್ಟು ಹರಡುವ ಸಾಧ್ಯತೆ ಇರುವುದರಿಂದ ಕಟ್ಟುನಿಟ್ಟಿನ ಮುಂಜಾಗ್ರತಾ ಕ್ರಮ ಕೈಗೊಳ್ಳಲಾಗಿದೆ. ಪ್ರಾಣ ಹಾನಿ ಸಂಭವಿಸಿಲ್ಲ ಎಂಬುದು ದೃಢ ಪಟ್ಟಿದೆ.
ಮೇಳದಲ್ಲಿ ಸಂತ್ರಸ್ತರು:
ಅಗ್ನಿ ಅವಘಡದಿಂದ ಮೇಳದ ಭಕ್ತರು ತಾತ್ಕಾಲಿಕ ಅಸೌಕರ್ಯಕ್ಕೆ ಗುರಿಯಾಗಿದ್ದು, ಘಟನೆ ಮತ್ತಷ್ಟು ತನಿಖೆಗೆ ಒಳಪಟ್ಟಿದೆ.
