ವಾಷಿಂಗ್ಟನ್: ಅಮೆರಿಕದ ಮಿಸ್ಸೌರಿ ಫೆಡರಲ್ ನ್ಯಾಯಾಲಯವು ಕೋವಿಡ್-19 ಸಾಂಕ್ರಾಮಿಕ ಹರಡಲು ಚೀನಾ ಸರ್ಕಾರ ನೇರ ಹೊಣೆ ಎಂದು ಘೋಷಿಸಿ, ಭಾರೀ ದಂಡ ವಿಧಿಸಿದೆ.
ಚೀನಾದ ಸರಕಾರ ಸಾಂಕ್ರಾಮಿಕ ಸಮಯದಲ್ಲಿ ಪಿಪಿಇ ಕಿಟ್‌ಗಳ ಮೇಲೆ ಏಕಸ್ವಾಮ್ಯ ಸಾಧಿಸಲು ಮುಂದಾದ ಕಾರಣ ಈ ಮಹಾಮಾರಿ ಮತ್ತಷ್ಟು ಉಲ್ಭಣಗೊಂಡಿತು ಎಂದು ನ್ಯಾಯಾಧೀಶ ಸ್ಠೀಫನ್ ಎನ್. ಲಿಂಬೌಫ್ ಹೇಳಿದ್ದಾರೆ. ಜನರ ಸಾವಿನ ಬಗ್ಗೆ ಮಾಹಿತಿ ಮುಚ್ಚಿಡುವುದು, ಬೇರೆ ದೇಶಗಳಿಗೆ ದುಪ್ಪಟ್ಟು ಬೆಲೆಗೆ ಪಿಪಿಇ ಕಿಟ್ ಮಾರಾಟ ಮಾಡುವಂತಹ ಆರೋಪಗಳ ಮೇಲೆ ಚೀನಾಗೆ 24 ಬಿಲಿಯನ್ ಡಾಲರ್ (ಸುಮಾರು 2.09 ಲಕ್ಷ ಕೋಟಿ) ದಂಡ ವಿಧಿಸಲಾಗಿದೆ.
ಈ ಮೊದಲು, ಅಮೆರಿಕದ ಮಿಸ್ಸೌರಿ ಕೋರ್ಟ್‌ಗೆ ಸಲ್ಲಿಸಲಾದ ಅರ್ಜಿಯಲ್ಲಿ, ಕೋವಿಡ್-19 ವೈರಸ್‌ ಚೀನಾದ ವುಹಾನ್‌ ಲ್ಯಾಬ್‌ನಲ್ಲಿ ಸೃಷ್ಟಿಯಾಗಿದೆ ಮತ್ತು ಚೀನಾದ ಸರ್ಕಾರ ಪಿಪಿಇ ಕಿಟ್‌ಗಳ ರಫ್ತು ತಡೆಯುವ ಮೂಲಕ ರೋಗದ ನಿಯಂತ್ರಣ ಅಸಾಧ್ಯವಾಯಿತು ಎಂದು ಆರೋಪಿಸಲಾಗಿತ್ತು.
