ನವದೆಹಲಿ: ಕೇಂದ್ರ ಸರ್ಕಾರ ಮತ್ತೊಮ್ಮೆ ಚೀನಾದ ಮೊಬೈಲ್ ಆಪ್ಲಿಕೇಶನ್‌ಗಳ ವಿರುದ್ಧ ಕ್ರಮ ಕೈಗೊಂಡಿದ್ದು, 119 ಅಪ್ಲಿಕೇಶನ್‌ಗಳನ್ನು ನಿಷೇಧಿಸಿದೆ. ಮುಖ್ಯವಾಗಿ ವಿಡಿಯೋ ಹಾಗೂ ವಾಯ್ಸ್ ಚಾಟ್ ಅಪ್ಲಿಕೇಶನ್‌ಗಳು ಈ ನಿಷೇಧದ ಲೆಕ್ಕಕ್ಕೆ ಸೇರಿವೆ.
ಭದ್ರತಾ ಕಾರಣದಿಂದ ನಿಷೇಧ
ಐಟಿ ಕಾಯ್ದೆಯ ಸೆಕ್ಷನ್ 69ಎ ಅಡಿಯಲ್ಲಿ ಈ ನಿಷೇಧ ಜಾರಿಗೊಳಿಸಲಾಗಿದ್ದು, ರಾಷ್ಟ್ರೀಯ ಭದ್ರತೆ ಮತ್ತು ಸಾರ್ವಜನಿಕ ಸುವ್ಯವಸ್ಥೆ ಎಂಬ ಕಾರಣವನ್ನು ಉಲ್ಲೇಖಿಸಲಾಗಿದೆ. ಆದರೆ, ಸರ್ಕಾರವು ಈ ಅಪ್ಲಿಕೇಶನ್‌ಗಳಿಂದ ಉಂಟಾಗುವ ಸ್ಪಷ್ಟ ಭದ್ರತಾ ಅಪಾಯಗಳ ಬಗ್ಗೆ ಮಾಹಿತಿ ಬಹಿರಂಗಪಡಿಸಿಲ್ಲ.
ಚೀನಾ ಆಪ್‌ಗಳ ಮೇಲೆ ಹಿಂದೆಯೂ ನಿರ್ಬಂಧ
- ಜೂನ್ 2020 : 100ಕ್ಕೂ ಹೆಚ್ಚು ಚೀನಾ ಆಪ್‌ಗಳಿಗೆ ನಿರ್ಬಂಧ
- 2021 & 2022: ಹಲವಾರು ಚೀನಾ ಆಪ್‌ಗಳ ಮೇಲೆ ಮತ್ತೆ ನಿಷೇಧ
- ಈ ಬಾರಿ : 119 ಹೊಸ ಆಪ್‌ಗಳ ವಿರುದ್ಧ ಕ್ರಮ
ಸಿಂಗಾಪುರ, ಅಮೆರಿಕ, ಯುನೈಟೆಡ್ ಕಿಂಗ್‌ಡಮ್ ಹಾಗೂ ಆಸ್ಟ್ರೇಲಿಯಾದ ಕೆಲ ಅಪ್ಲಿಕೇಶನ್‌ಗಳಿಗೂ ನಿರ್ಬಂಧ ವಿಧಿಸಲಾಗಿದೆ. ಆದರೆ, ಈ ನಿಷೇಧ ಬಳಕೆದಾರರು ಹಾಗೂ ಡೆವಲಪರ್‌ಗಳ ಮೇಲೆ ಪರಿಣಾಮ ಬೀರುತ್ತದೆ. ಕೆಲವು ಡೆವಲಪರ್‌ಗಳು ಭದ್ರತಾ ಕಾಳಜಿಗಳನ್ನು ಪರಿಹರಿಸಲು ಭಾರತೀಯ ಅಧಿಕಾರಿಗಳೊಂದಿಗೆ ಚರ್ಚೆಗೆ ಸಿದ್ಧ ಎಂಬ ಅಭಿಪ್ರಾಯ ವ್ಯಕ್ತಪಡಿಸಿದ್ದಾರೆ.
