ಬೆಳ್ತಂಗಡಿ: ಬೆಳ್ತಂಗಡಿ ತಾಲೂಕಿನ ಕಕ್ಕಿಂಜೆ ಗ್ರಾಮದಲ್ಲಿ 2016ರ ಜನವರಿಯಲ್ಲಿ ನಡೆದ ವೃದ್ಧ ದಂಪತಿಯ ಕೊಲೆ ಮತ್ತು ಸುಲಿಗೆ ಪ್ರಕರಣದಲ್ಲಿ ಆರೋಪಿಯಾದ ರಾಜು ಕಲವಡ್ಕರ್ (ರಾಜೇಶ್)ನಿಗೆ ಮಂಗಳೂರಿನ 2ನೇ ಹೆಚ್ಚುವರಿ ಜಿಲ್ಲಾ ಮತ್ತು ಸತ್ರ ನ್ಯಾಯಾಲಯದ ನ್ಯಾಯಾಧೀಶರಾದ ಪ್ರೀತಿ ಕೆ.ಪಿ. ಅವರು ಜೀವಾವಧಿ ಶಿಕ್ಷೆ ವಿಧಿಸಿದ್ದಾರೆ.
2016ರ ನವೆಂಬರ್ 10ರಂದು ವೃದ್ಧ ದಂಪತಿಯ ಹತ್ಯೆ ನಡೆದಿತ್ತು. ಈ ಕೊಲೆ ಪ್ರಕರಣದಲ್ಲಿ, 85 ವರ್ಷದ ವರ್ಕಿ ಮತ್ತು 80 ವರ್ಷದ ಎಲಿಕುಟ್ಟಿ ಎಂಬ ದಂಪತಿಗಳನ್ನು ರ ಕೊಲೆ ಮಾಡಿ ಬಳಿಕ, ಅವರ 200 ಗ್ರಾಂ ಚಿನ್ನ ಮತ್ತು 4.5 ಲಕ್ಷ ನಗದು ಹಣವನ್ನು ರಾಜು ದರೋಡೆ ಮಾಡಿದ್ದನು.
ನ್ಯಾಯಾಲಯದಲ್ಲಿ 2018ರ ನವೆಂಬರ್‌ನಲ್ಲಿ ಆರಂಭವಾದ ವಿಚಾರಣೆಯಲ್ಲಿ 38 ಸಾಕ್ಷಿಗಳು ರಾಜು ವಿರುದ್ಧ ಸಾಕ್ಷ್ಯ ನೀಡಿದರು. ನ್ಯಾಯಾಲಯವು ರಾಜುವನ್ನು ಐಪಿಸಿಯ ಸೆಕ್ಷನ್ 302 ಅಡಿಯಲ್ಲಿ ಕೊಲೆ ಮತ್ತು ಸೆಕ್ಷನ್ 392 ಅಡಿಯಲ್ಲಿ ದರೋಡೆಗೆ ಅಪರಾಧಿಯಾಗಿದ್ದ ಎಂದು ತೀರ್ಮಾನಿಸಿದೆ. ಪ್ರತಿಯೊಂದು ಆರೋಪಕ್ಕೆ ₹10,000 ದಂಡ ವಿಧಿಸಲಾಗಿದೆ.
