ಅಹಮದಾಬಾದ್ ವಿಮಾನ ದುರಂತ: ಮಾಜಿ ಸಿಎಂ ವಿಜಯ್ ರೂಪಾನಿ ಸೇರಿದಂತೆ 242 ಮಂದಿಯ ಸಾವಿನ ಶಂಕೆ

ಅಹಮದಾಬಾದ್: ಅಹಮದಾಬಾದ್‌ನಲ್ಲಿ ಸಂಭವಿಸಿದ ವಿಮಾನ ದುರಂತದಲ್ಲಿ 242 ಮಂದಿ ಸಾವನ್ನಪ್ಪಿರುವ ಶಂಕೆ ವ್ಯಕ್ತವಾಗಿದೆ. ಮೃತರ ಪಟ್ಟಿಯಲ್ಲಿ ಗುಜರಾತ್‌ನ ಮಾಜಿ ಮುಖ್ಯಮಂತ್ರಿ ವಿಜಯ್ ರೂಪಾನಿಯವರ ಹೆಸರೂ ಇರುವುದಾಗಿ ಪ್ರಾಥಮಿಕ ವರದಿಗಳು ತಿಳಿಸುತ್ತಿವೆ.

ವಿಮಾನ ಮಧ್ಯಾಹ್ನ 1:39 ಕ್ಕೆ ಟೇಕ್‌ಆಫ್ ಆದ ನಂತರ ತುರ್ತು ಪರಿಸ್ಥಿತಿ ಉಂಟಾಗಿ ಪೈಲಟ್ ATC ಗೆ ‘ಮೇಡೇ’ ಕರೆ ಕಳುಹಿಸಿದರು. ಬಳಿಕ ಸಂಪರ್ಕ ಕಡಿದುಹೋಗಿದ್ದು, ವಿಮಾನ ಭೂಮಿಗೆ ಬಿದ್ದು ಪತನಗೊಂಡಿದೆ.

ವಿಜಯ್ ರೂಪಾನಿ ಅವರು 2016–2021 ರವರೆಗೆ ಗುಜರಾತ್‌ನ ಮುಖ್ಯಮಂತ್ರಿ ಆಗಿದ್ದರು. ಈ ದುರಂತದ ಬಗ್ಗೆ ಪ್ರಧಾನಿ ಸೇರಿದಂತೆ ಅನೇಕ ಗಣ್ಯರು ಸಂತಾಪ ಸೂಚಿಸಿದ್ದಾರೆ.