ಅರಿಜೋನಾ : ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿರುವ ‘ಕ್ರೋಮಿಂಗ್’ ಅಥವಾ ‘ಧೂಳು ತೆಗೆಯುವ ಸವಾಲು’ (Dusting Challenge) ಪ್ರಾಣಪಾಯದ ಆಟವಾಗಿ ತಿರುಗಿದ್ದು, 19 ವರ್ಷದ ಯುವತಿ ರೇನಾ ಒ’ರೂರ್ಕ್ ಈ ಸವಾಲಿಗೆ ಬಲಿಯಾದ ದುರ್ಘಟನೆ ನಡೆದಿದೆ.
ರೆನಾ ತನ್ನ ತಂದೆಗೆ ಸದಾ “ಅಪ್ಪಾ, ನಾನು ಫೇಮಸ್ ಆಗ್ತೀನಿ. ನೀವು ನೋಡಿ ಹೆಮ್ಮೆ ಪಡ್ತೀರಾ” ಎಂದು ಹೇಳುತ್ತಿದ್ದಳು. ಸಾಮಾಜಿಕ ಮಾಧ್ಯಮಗಳಲ್ಲಿ ತಾನು ಪ್ರಸಿದ್ಧಳಾಗಬೇಕೆಂಬ ಕನಸಿನಲ್ಲಿ, ಆಕೆ ಕ್ರೋಮಿಂಗ್ ಎಂಬ ಅಪಾಯಕಾರಿ ಟ್ರೆಂಡ್‌ನ್ನು ಅನುಸರಿಸಿದ್ದಳು.
ಕ್ರೋಮಿಂಗ್ ಅಂದರೆ ಏನು?
ಕ್ರೋಮಿಂಗ್ ಎಂದರೆ ಏರೋಸಾಲ್ ಅಥವಾ ಇತರೆ ಕ್ಲೀನಿಂಗ್ ಸ್ಪ್ರೇಗಳನ್ನ ಉಸಿರಾಡುವುದು. ಇದರಿಂದ ತಾತ್ಕಾಲಿಕ ಉಲ್ಲಾಸ ಅಥವಾ ‘ಹೈ’ ಭಾವನೆ ಬರುತ್ತದೆ ಎಂಬ ನಂಬಿಕೆಯಿದೆ. ಆದರೆ ವೈದ್ಯಕೀಯವಾಗಿ ಇದು ಅತ್ಯಂತ ಮಾರಕ. ಕೆಮಿಕಲ್‌ನ ಪರಿಣಾಮದಿಂದ ತಕ್ಷಣದ ಹೃದಯಾಘಾತ, ಮೂಳೆಯ ಹಾನಿ, ಅಥವಾ ಉಸಿರಾಟದ ತೊಂದರೆ ಸಂಭವಿಸಬಹುದು ಎಂದು ತಜ್ಞರು ಎಚ್ಚರಿಸುತ್ತಿದ್ದಾರೆ.
ಘಟನೆಯ ವಿವರ:
ರೆನಾ ಮತ್ತು ಆಕೆಯ ಗೆಳೆಯನು ಎಸ್ರೋಸಾಲ್ ಕೀಬೋರ್ಡ್ ಕ್ಲೀನರ್ ಅನ್ನು ಆರ್ಡರ್ ಮಾಡಿ, ಕ್ರೋಮಿಂಗ್ ಪ್ರಯತ್ನಿಸಿದ್ದರು. ಈ ಕ್ರಿಯೆಯ ನಂತರ ರೇನಾಳಿಗೆ ತಕ್ಷಣವೇ ಹೃದಯಾಘಾತ ಸಂಭವಿಸಿದ್ದು, ಐಸಿಯುನಲ್ಲಿ ಒಂದು ವಾರ ಪ್ರಜ್ಞಾಹೀನವಾಗಿ ಉಳಿದು, ಕೊನೆಗೆ ಬ್ರೈನ್ ಡೆಡ್ ಎಂದು ಘೋಷಿಸಲಾಯಿತು.
ಆಕೆಯ ತಂದೆ ಆರನ್ ಒ’ರೂರ್ಕ್ ರವರು “ಅವಳು ಫೇಮಸ್ ಆಗಲಿಚ್ಚಿಸಿದ್ದಳು. ಆದರೆ ದುರದೃಷ್ಟವಶಾತ್, ಇಂದು ಆಕೆಯೇ ಇಲ್ಲ” ಎಂದು ಆಕ್ರಂದಿಸಿದ್ದಾರೆ. ಇಂತಹ ಟ್ರೆಂಡ್ಗಳ ಅಪಾಯವನ್ನು ತೀವ್ರವಾಗಿ ಅರಿತುಕೊಳ್ಳುವ ಅಗತ್ಯವಿದೆ ಎಂದು ಹೇಳಿದ್ದಾರೆ.
ತಜ್ಞರ ಎಚ್ಚರಿಕೆ:
ಕ್ರೋಮಿಂಗ್ ಅಥವಾ ಧೂಳು ತೆಗೆಯುವ ಸವಾಲು ಯುವಜನರಲ್ಲಿ ಬೆಳೆದಿರುವ ಅಪಾಯಕಾರಿಯಾದ ಪ್ರವೃತ್ತಿ. ಮನೆಯಲ್ಲೇ ಲಭ್ಯವಿರುವ ಸಾಮಾನ್ಯ ಕ್ಲೀನಿಂಗ್ ಉತ್ಪನ್ನಗಳನ್ನು ದುರುಪಯೋಗಿಸುವುದು ಜೀವಕ್ಕೆ ಮಾರಕವಾಗಬಹುದು. ಈ ಕುರಿತಾಗಿ ಪೋಷಕರು ಮತ್ತು ಯುವಜನತೆ ಎಚ್ಚರಿಕೆ ವಹಿಸಬೇಕಾಗಿದೆ ಎಂದು ತಜ್ಞರು ಅಭಿಪ್ರಾಯ ಪಟ್ಟಿದ್ದಾರೆ.
