ಕಾರ್ಕಳ : ಕಾರ್ಕಳದ ಗುಂಡ್ಯಡ್ಕದಲ್ಲಿರುವ ಮೆಜೆಸ್ಟಿಕ್ ಕ್ರಶರ್ ನ ಕೈದೋಟದಲ್ಲಿ ಕಂಡುಬಂದಿರುವ ಅನಾನಸು ಹಣ್ಣು ಇಲ್ಲಿನ ಎಲ್ಲರನ್ನೂ ಆಚ್ಚರಿಗೊಳಿಸಿದೆ. ಈ ಹಣ್ಣಿನ ವಿಶಿಷ್ಟತೆ ಎಂದರೆ – ಸಾಮಾನ್ಯವಾಗಿ ಒಂದು ಅನಾನಸು ಹಣ್ಣಿನಿಂದ ಒಂದು ಅಥವಾ ಎರಡು ಗಿಡ ಮಾತ್ರ ಬೆಳೆಯುತ್ತದೆ. ಆದರೆ ಇಲ್ಲಿ ಕಂಡುಬಂದ ಹಣ್ಣೊಂದರಲ್ಲಿ ಹದಿಮೂರು (13) ಗಿಡಗಳು ಬೆಳೆದಿದ್ದು, ಇದು ಪರಿಸರ ಪ್ರೇಮಿಗಳು, ಕೃಷಿ ತಜ್ಞರಲ್ಲಿ ಕುತೂಹಲ ಮೂಡಿಸಿದೆ.
ಈಗಾಗಲೇ ಈ ದೃಶ್ಯ ಸ್ಥಳೀಯರಲ್ಲಿ ಆಸಕ್ತಿಯ ಅಲೆ ಎಬ್ಬಿಸಿದ್ದು, ಇದನ್ನು ‘ಪ್ರಕೃತಿಯ ಅಪರೂಪದ ವಿಸ್ಮಯ ’ ಎಂದು ಕರೆಯಲಾಗುತ್ತಿದೆ. ಅನಾನಸು ಹಣ್ಣಿನಿಂದ ಹದಿಮೂರು ಸಸಿಗಳು ಒಂದೇ ಸಮಯದಲ್ಲಿ ಮೊಳೆಯುವುದು ಅಪರೂಪ. ಇಂತಹ ಘಟನೆಯು ಪ್ರಕೃತಿಯ ವೈವಿಧ್ಯತೆಯನ್ನೂ, ಅದರ ವಿಚಿತ್ರ ಕೌಶಲ್ಯವನ್ನೂ ತೋರಿಸುತ್ತಿದೆ.
