ಮುಂಬೈ: ಕನ್ನಡ ಚಿತ್ರರಂಗದ ಪ್ರತಿಭಾವಂತ ನಟಿ ಶ್ರೀಲೀಲಾ ಇತ್ತೀಚೆಗೆ ಬಾಲಿವುಡ್ ಮತ್ತು ಟಾಲಿವುಡ್ ಎರಡರಲ್ಲೂ ತನ್ನ ಅಸಾಧಾರಣ ಅಭಿನಯ ಮತ್ತು ಸುಂದರವಾದ ನೃತ್ಯಗಳಿಂದ ಪ್ರೇಕ್ಷಕರನ್ನು ಮೆಚ್ಚಿಸಿದ್ದಾರೆ. ‘ಕಿಸ್’ ನಂತಹ ಚಿತ್ರಗಳಲ್ಲಿ ಕಾಣಿಸಿಕೊಂಡ ಈ ಯುವತಿ, ಈಗ ಬಾಲಿವುಡ್ ನಟ ಕಾರ್ತಿಕ್ ಆರ್ಯನ್ ಜೊತೆ ‘ಆಶಿಕಿ 3’ ಚಿತ್ರದಲ್ಲಿ ನಾಯಕಿಯಾಗಿ ರೂಪುಗೊಳ್ಳಲಿದ್ದಾರೆ.
ಪ್ರೇಮ ಸಂಬಂಧದ ಸುಳಿವುಗಳು?
ಕಳೆದ ಕೆಲವು ತಿಂಗಳಿಂದಲೂ ಶ್ರೀಲೀಲಾ ಮತ್ತು ಕಾರ್ತಿಕ್ ಆರ್ಯನ್ ನಡುವೆ ಸ್ನೇಹ ಮತ್ತು ಆತ್ಮೀಯತೆ ಹೆಚ್ಚಾಗುತ್ತಿರುವುದು ಗಮನಸೆಳೆದಿದೆ. ಇಬ್ಬರೂ ಒಟ್ಟಿಗೆ ಸಮಯ ಕಳೆಯುವುದು, ಸಾಮಾಜಿಕ ಮಾಧ್ಯಮಗಳಲ್ಲಿ ಪರಸ್ಪರರ ಬಗ್ಗೆ ಪ್ರಶಂಸೆ ತೋರಿಸುವುದು ಮತ್ತು ಕಾರ್ತಿಕ್ ಅವರ ಮನೆಯಲ್ಲಿ ನಡೆದ ಒಂದು ಕಾರ್ಯಕ್ರಮದಲ್ಲಿ ಶ್ರೀಲೀಲಾ ಭಾಗವಹಿಸಿದ್ದು, ಈ ಎಲ್ಲವೂ ಪ್ರೇಮ ಸಂಬಂಧದ ಸುಳಿವುಗಳೆಂದು ಚರ್ಚೆಗೆ ಕಾರಣವಾಗಿವೆ.
ಇದಲ್ಲದೆ, ಕಾರ್ತಿಕ್ ಅವರ ತಾಯಿ ಒಮ್ಮೆ “ನಮಗೆ ಡಾಕ್ಟರ್ ಸೊಸೆ ಬೇಕು” ಎಂದು ಹೇಳಿದ್ದರು. ಶ್ರೀಲೀಲಾ MBBS ವಿದ್ಯಾರ್ಥಿನಿಯಾಗಿರುವುದರಿಂದ, ಈ ಹೇಳಿಕೆಗೂ ಅವರ ನಡುವೆ ವಿಶೇಷ ಸಂಬಂಧವಿದೆಯೇ ಎಂಬ ಊಹೆಗಳು ಹಬ್ಬಿವೆ.
ಅರಿಶಿಣ ಶಾಸ್ತ್ರದ ಫೋಟೋಗಳು ವೈರಲ್ – ಮದುವೆ ಸಿದ್ಧತೆ?
ಇತ್ತೀಚೆಗೆ ಶ್ರೀಲೀಲಾ ತಮ್ಮ ಇನ್ಸ್ಟಾಗ್ರಾಮ್ ಖಾತೆಯಲ್ಲಿ ಅರಿಶಿಣ ಶಾಸ್ತ್ರದ ಫೋಟೋಗಳನ್ನು ಹಂಚಿಕೊಂಡಿದ್ದಾರೆ. ಫೋಟೋಗಳಲ್ಲಿ, ಹಿರಿಯ ಮಹಿಳೆಯೊಬ್ಬರು ಶ್ರೀಲೀಲಾ ಹಣೆಗೆ ಕುಂಕುಮ ಮತ್ತು ಕೆನ್ನೆಗೆ ಅರಿಶಿನ ಹಚ್ಚುವ ದೃಶ್ಯಗಳು ಕಾಣಸಿಗುತ್ತವೆ. ಸಾಂಪ್ರದಾಯಿಕ ಉಡುಗೊರೆಯಲ್ಲಿ ಕಾಣಿಸಿಕೊಂಡ ಶ್ರೀಲೀಲಾ, “ಕಮಿಂಗ್ ಸೂನ್” ಎಂದು ಕ್ಯಾಪ್ಷನ್ ನೀಡಿದ್ದಾರೆ.
ಈ ಫೋಟೋಗಳು ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿ, ಅನೇಕರು ಇದನ್ನು ಮದುವೆ ಅಥವಾ ನಿಶ್ಚಿತಾರ್ಥದ ಸಂಭಾವ್ಯ ಸೂಚನೆ ಎಂದು ಪರಿಗಣಿಸಿದ್ದಾರೆ. ಕೆಲವು ಅಭಿಮಾನಿಗಳು ಇದು ಕಾರ್ತಿಕ್ ಆರ್ಯನ್ ಜೊತೆಗಿನ ಗುಟ್ಟಾದ ಸಂಬಂಧವೆಂದು ಊಹಿಸಿದರೆ, ಇನ್ನು ಕೆಲವರು ಇದು ಕೇವಲ ಸಾಂಪ್ರದಾಯಿಕ ಸಂದರ್ಭವೆಂದು ನಂಬಿದ್ದಾರೆ.
ಅಧಿಕೃತ ಹೇಳಿಕೆ ಇನ್ನೂ ಬಂದಿಲ್ಲ
ಇದುವರೆಗೂ ಶ್ರೀಲೀಲಾ ಅಥವಾ ಕಾರ್ತಿಕ್ ಆರ್ಯನ್ ಈ ಬಗ್ಗೆ ಯಾವುದೇ ಅಧಿಕೃತ ಹೇಳಿಕೆ ನೀಡಿಲ್ಲ. ನಟಿಯು ತನ್ನ ವೃತ್ತಿಜೀವನದಲ್ಲಿ ಶ್ರದ್ಧೆ ವಹಿಸಿದ್ದಾಳೆ ಎಂದು ತಿಳಿದುಬಂದಿದೆ. ಆದರೆ, ಸಾಮಾಜಿಕ ಮಾಧ್ಯಮದಲ್ಲಿ ಹರಡಿರುವ ಈ ಫೋಟೋಗಳು ಮತ್ತು ಸುದ್ದಿಗಳು ಚರ್ಚೆಗೆ ಕಾರಣವಾಗಿವೆ.
